#«Доруобуйа» национальнай бырайыак
Дойдуга медицинскэй идэлээхтэри тыа сиригэр үлэлииллэрин көҕүлүүр «Земскэй быраас» уонна «Земскэй фельдшер» бырагыраамалар үлэлииллэр. 1-кы Дьөппөннөөҕү быраас амбулаториятыгар уопсай быраактыка бырааһа идэлээх Семен Никифоров «Земскэй быраас» бырагырааманан биэс сылга дуогабардаһан үлэлии олорор.
Семен Владимирович Тиит Эбэҕэ ааспыт сыл бүтүүтэ дьиэ кэргэнинээн көһөн кэлбит, кэргэнэ акушер идэлээх, эмиэ бу амбулаторияҕа үлэлиир.
— 2008 сыллаахха медицинскэй институту бүтэрэн баран Дьокуускайга суһал көмөҕө, Медкииҥҥэ үлэлээбит уопуттаахпын. Аҕам Тиит Арыыттан төрдүлээх, онон бу улууһу билэр буолан бырагырааманан үлэлии кэлэргэ быһаарыммытым. Олорор дьиэнэн-уотунан хааччыллыылаахпыт – уопсай дьиэҕэ икки хостоох кыбартыыраҕа олоробут, икки оҕобут олохтоох уһуйааҥҥа сылдьаллар. Үлэлиир усулуобуйа, тэрилинэн хааччыллыы эмиэ үчүгэй – саҥатык массыыналаахпыт, аптечнай пуун үлэлэтэбит. Биир үөрүүлээх сонуммут диэн, бу күннэргэ Хоточчуга фельдшер ананан үлэлээн эрэр. Онон нэһилиэкпит биир сүрүн кыһалҕата быһаарылынна, нэһилиэнньэ доруобуйатын көрөргө-эмтииргэ фельдшерскэй пууҥҥа үрдүттэн испэсэлиистэннибит, — диэн Семен Никифоров үөрүүтүн үллэһиннэ.
Ольга Гермогенова.