Нолуогу төлөөн, тимири хомуйан
Бу сылларга оборуона пуондатын хаҥатыыга күүстээх үлэ барара. Нолуогу төлөөһүнү кытаанахтык ирдииллэрэ.
От нолуогун туттаран эрэллэр
Нөмүгү. Максим Горькай аатынан колхоз 1942 сыллааҕы государствоҕа туттарыллар от нолуогун 549 киилэ саҥа суорт оту от туттарар пууҥҥа аҕалан туттарда.
Колхоз 45 хонук иһинэн 1942 сыллааҕы от нолуогун туттаран бүтэрэргэ эбэһээтэлистибэ ылынна.
12.07.1942 с.
«СЗ» корр.
Металлы хомуйууга
Покровскай сельпота 8 туонна тимири, 2,1 туонна алтаны хомуйда.
Кирпииччэ завода 2,5 т., Селекционнай станция 1 т., Нөмүгү нэһилиэгэ 2т.туттардылар. Комсомолка Е. Черных соҕотоҕун 4 ц. тимири туттарда.
22.06.1942 с.
Колхозтаахтар байыаннай нолуогу төлүүллэр
Сата. “Комминтерн” колхоз колхозтаахтара Кыһыл армия күнүн кыайыылаах көрсө сорук ылынан туран, бастакы соруогугар 4154 солкуобайы төлөөбүттэрэ. Колхоз председателэ М.Абрамов 200 солк., К.Антонов -200, Д.Григорьева 134 солкуобайы уонна иккис суруогуттан 22 солкуобайы төлөөтө.
Бу колхозтар колхозтаахтара түспүт нолуоктары инники төлөөн бүтэрэн оборуонаны бөҕөргөтөллөр.
П.Пудов.
19.12.1942 с.
Республика үрдүнэн байыаннай нолуок суумата 3524100 солкуобайга тиийдэ.
Оройуоннарга Орджоникидзевскай, Якутскай, Ньурба, Саккырыыр, Чурапчы, Өлүөхүмэ сайыамҥа сурутууга бастаатылар (Орджоникидзевскай — 8090000 солк.).
14.04.1942 с.
Иһитиннэриилэри хаһыаттан Людмила Мордовская бэлэмнээтэ.