2000 сыллаахха улууспутугар Саха сирин Бастакы Президена М.Е.Николаевы кытта көрсүүһугэ Покровскай куорат бастакы нүөмэрдээх оскуолатын оҕолорун үлэлэрин “Саргы түһүлгэтэ” култуура киинигэр быыстапкалаатым. Михаил Ефимовичка оҕолор үлэлэрин, ситиһиилэрин уонна оччолорго бэйэм туспа айар суолбун-ииспин көрдөнөн үлэлии сылдьар кэмим буолан инники былааннарбын кэпсээбитим. Кини балачча өрүөрэнээччилэрим үлэлэрин сыныйан көрөн баран –“Саҥа хайысханан уруһуйдууллар эбит оҕолор, чэ үлэлээн ис, баҕар саҥа туох эмэ тахсыа…”- диэбитэ. Ол кэнниттэн сүүрбэ сыл ааста.
Билигин улууспар 100 тахса самодеятельнай худуоһунньуктары түмэн үлэлэтэр 10-тан тахса кулууп түмсүүлэрдээхпин. 2014 сылтан саҕалаан улууспут историятын үөрэтэр уонна чинчийэр сыалтан түрбэ-уруһуйга араас күрэхтэри тэрийэн ыытабын. Күрэхтэр түмүктэринэн түөлбэ, нэһилиэк, Хаҥалас историятыгар үгүс элбэх үлэ уруһуйданна. 2022 сыллаахха М.Николаев үбүлүөйдээх сылыгар анаан «Служение родному народу» түрбэҕэ уруһуй быыстапкатын тэрийэн ыыппыппыт. Үтүө киһибит олоҕун, үлэтин, ситиһиилэрин уруһуйдьуттар бэркэ табыллан уруһуйдаан көрдөрбүттэрэ билигин историяҕа хаалла, улуус култууратын фондатыгар киирдэ.
Галина СЕМЕНОВА.