Балаҕан ыйын 29 күнүгэр биһиги учууталларбытын, иитээччилэрбитин кытта айылҕаҕа походтуу сырыттыбыт. Хатыҥнарбыт саһаран тураллара, айылҕабыт кэрэтэ барыбытын долгутта.
3 хамаандаҕа арахсан Эко ГТО квест аастыбыт. Бастакы «Луч» хамаанда хамандыыра Лена Слепцова (9 кылаас), иккис «Данилов» хамаанда хамандыыра Таисия Синягина (9 кылаас) уонна үһүс «Gold» хамандыырынан Дима Шестаков (8 кылаас) буоллулар. Онно биэс араас ыстаансыйаны – «Редкий вид», «Переработка», «Экомаркет», «Экопризывание» уонна «Вечный двигатель» аастыбыт, дуоһуйа күрэхтэстибит. Оонньуу саҥаттан саҥа түһүмэхтэрдээх буолан олус интэриэһинэйдик ааста. Күүстээх киирсии кэниттэн «Луч» хамаанда бастаата, «Данилов» иккистээтэ, үһүс миэстэ — «Gold» хамаанда буолла.
Күрэх кэнниттэн дуоһуйа сынньанан, минньигэс астаах остуол тула олорон аһаатыбыт. Ирэ-хоро кэпсэтэн, күлэн-үөрэн, бэһиэлэй оонньуулары оонньоотубут. Айылҕаҕа сылдьан дуоһуйа сынньаммыппыт иһин иитээччилэрбитигэр барҕа махталбытын тиэрдэбит.
Таисия Синягина, Тиит Эбэ санаторнай оскуола-интернат 9 кылааһын үөрэнээччитэ.