Бэҕэһээ Ил Дархан Айсен Николаев өрөспүүбүлүкэ үөрэх кыһаларын — оскуолалар, техникумнар, колледжтар салайааччыларыгар автобус күлүүстэрин туттарда.
Ол курдук 44 автобустан үһэ биһиги улууспутугар — Покровскайдааҕы колледжка уонна С.П.Барашков аат. Хачыкаат орто, Хоточчу ситэтэ суох оскуолаларыгар ананна.
— Өр сыл туруорсубут боппуруоспут быһаарылынна, саҥа автобус күлүүһүн тутан үөрүүбүт, махталбыт муҥура суох. Мантан иннэ үөрэнээччилэрбит араас күрэхтэргэ, олимпиадаларга кытта баралларыгар бас билэр тиэхиньикэлэннибит, — диэн Хоточчу оскуолатын дириэктэрэ Римма Слепцова үөрүүтүн үллэһиннэ.
Бэлиэтээн эттэххэ, автобустар биһиги эрэгийиэммит килиимэтигэр толору эппиэттиир гына оҥоһуулаахтар.
Ольга Гермогенова.