Сэтинньи 7-9 күннэригэр өрөспүүбүлүкэ араас муннукттарыттан делегаттар кэлэннэр Чапаев сэлиэнньэтигэр Наука дьоҕус Академиятыгар Ыччат нефтегазовай форумугар кытта сылдьаллар.
Өссө икки сыл анараа өттүгэр маннык таһымнаах тэрээһиннэр Саха сиригэр ыытыллыбат да этилэр. Былырыын өрөспүүбүлүкэбититтэн көхтөөх дьон ньиэби уонна айылҕа гааһын хостооһунун тэрилтэтин көмөтүнэн бастакы ыччат форумун тэрийбиттэрэ. Онно 100-чэ оҕо политехническэй оскуолалартан «Роснефть-кылаастарыгар» кэлэн үөрэммиттэрэ.
Ыччат форума бастакы күнүгэр кыттааччыларга анаан Наука дьоҕус Академиятын билиһиннэриигэ экскурция тэрилиннэ, Үөрүүлээх арыллыы, хамаандалары кытары билсиһии кэнниттэн үлэ саҕаланна. «Нефтяной Форсайт» диэн идэҕэ уһуйуу оонньуута буолла. Онтон киэһээ «Месторождения мечты» бырайыак үлэтэ умсугутта. «Кэскиллээх нефтянниктар» бу күннэргэ араас үөрэҕи барыахтара, маастар-кылаастарга сылдьыахтара, инновационнай бырайыактары торумнуохтара. Түмүккэ кыайыылаахтары наҕараадалыахтара.
Форум бэлиэ этиитэ «Тугу баҕар санаабыккын толоруоххун сөп» диэн. Бары кыттааччыларга ситиһиилэри баҕарабыт!
Татьяна Владимирова.