Улахан Ааҥҥа С.А. Григорьев аат. «Аан Аартык» Култуура киинигэр Бүтүн Россиятааҕы инбэлииттэр уопсастыбаларын 35 сыллаах үбүлүөйүгэр анаммыт сынньалаҥ тэрээһини нэһилиэкпит доруобуйаларынан хааччахтаах дьонугар анаан ыыттыбыт.
Инбэлииттэр уопсастыбаларын салайааччы Ульяна Архипова кылгастык бу сылга ханнык күрэхтэргэ кыттыбыттарын, ким туох ситиһиилэммитин кэпсээтэ, онтон сандалы остуол тула олорон кэлэр сыллааҕы былааны билиһиннэрдэ.
Тэрээһиҥҥэ кэлбит дьоммут бэйэлэрин илиилэринэн оҥорбут оҥоһуктарын быыстапкалара тэрилиннэ. Манна Ульяна Николаевна уонна Марианна Лукиналар көхтөөхтүк кыттаннар бириискэ тигистилэр.
Викторинаҕа саамай элбэх сөптөөх эппиэти Альберт Афанасьев эппиэттээн бириис ылла, бары оонньууга саамай көхтөөх кыттааччы Анна Афанасьева буолла.
Саамай уһун тыыннаҕынан Александр Михеев ааттанна, саамай аҕам саастаахпыт Изольда Семеновна оонньууга кыттан элбэх алаадьыны хомуйда.
Мустубут дьон үөрэн-көтөн тарҕастылар. Бу курдук куруук мэлдьи олоххо көхтөөх, сырдыкка-кэрэҕэ тардыһыылаах буоллуннар биһиги нэһилиэкпит дьоно!
Римма Черемкина, «Аан-Аартык» КК түмсүүлэрин салайааччыта.