Саха сиригэр көҥүл тустуу сайдыытыгар Н. Тарскай, Е. Кычкин, В. Румянцев, Д. Коркин, К. Григорьев, Н. Волков төһүү күүс буолбуттара.
1965 с. ССРС уолаттарга чемпионунан В. Карпов ааттаммыта. Онтон И. Федосеев 1969 с. уолаттарга Аан дойдуга чемпионнаабыта. Кинилэр Н. Н. Тарскай бирииһигэр тустан бастаабыт уолаттар буолаллар.
Тохсунньу 10-12 күннэригэр 2024 cылга 2007-2008 сыллаах төрүөх уолаттарга Николай Тарскай төрөөбүтэ 100 сылыгар аналлаах көҥүл тустууга биирдиилээн уонна хамаанданан бастыыр иһин СӨ-тин чөмпүйэнээтэ Бороҕоҥҥо Спорт дыбарыаһыгар ыытыллан түмүктэннэ. Барыта 127 спортсмен уолаттар кытыннылар: 45 кг – 16, 51 кг – 26 , 80 кг – 12, 92 кг– 7, 110 кг – 9 бөҕөс.
Биһиги улуустан биэс спортсмен кытынна, үчүгэй түмүгү ситистилэр: 45 кг Иванов Коля – 5 миэстэ (тренерэ Дмитриев. Г. Д.), 51 кг Прокопьев Миша – 5 миэстэ (тренердэрэ Петров А.А., Игнатьев, Г. В.), 110 кг Яковлев Саша – 5 миэстэ (тренерэ Петров. А. А.).
Кылаабынай судьуйанан Н.А. Соловьев үлэлээтэ.
Василий МОЖУКОВ, СӨ спордун бэтэрээнэ, СӨ сүүрүүгэ спордун маастара, Покровскай к.