Улууска бастакы үөрэх кыһата арыллыбыта 150 сылынан Чапаевтааҕы үөрэҕирии түмэлигэр сырыттыбыт.
— Алексей Дмитриевич Широких уонна Василий Гаврильевич Неустроев саҕаттан үөрэх киһи ис кыаҕын сайыннаарыыга туһуламмыта. Билигин биһиги саҥа интеллигенция, техническэй, медицинскэй уо.д.а. хайысхаларга үлэлиир кыахтаах дьону иитэн таһаарыыга үлэлиибит. Биһиэхэ технологическай кластер тэриллэрэ онно дьоһун миэстэни ылыа, — диэтэ Өктөмнөөҕү М.Е. Николаев аатынан наука-үөрэх киинин дириэктэрэ Юрий Шадрин. Салайааччыларбыт бу тэрээһиҥҥэ үтүө үгэстэри салгыырга үгүс махтал кэрэ тылларын эттилэр. Бу күн улууспутоскуолаларыгар үөрэҕирии үбүлүөйүнэн тэрээһиннэр буолан ааспыттара олус үчүгэй. Үлэлээбит оскуолабыт сайда, үүнэ турара үөрдэр. Үөрэҕирии түмэлин үлэтин тэрийэн үлэлэтэ турар ытыктыыр киһибитигэр Валентина Петровна Ноговицынаҕа махтал тылларын тириэрдэбин. Өктөмнөөҕү үөрэх киинин оҕолорун хуора ырыанан эҕэрдэлээбитэ, кылаас-чаастара ыытыллыбыта, оскуолаҕа көрсүһүүлэрэ тэриллибитэ олус үчүгэй.
Альбина Варламова, педагогическай үлэ бэтэрээнэ.