“Хаҥалас хапсаҕайа” икки күннээх күрэҕэ дьону түмэ тарта — 8 дойдуттан уонна Республика улуустарыттан барыта 478 спортсмен, ол иһигэр 69 спорт маастардара күрэс былдьастылар. Барыта 37 мэтээл оонньонно. Дьоһун күрэхтэһиигэ: Монголияттан – 3, Хакасияттан – 4, Таджикистантан – 1, Алтайтан – 6, Бурятияттан – 11, Тываттан — 5, Узбекистантан – 2, Кыргыстантан – 10 спортсмен кытыннылар. Хапсаҕай тустуу кылаабынай судьуйатынан В.Яковлев, кылаабынай сэкирэтээринэн П.Данилов ананан үлэлээтилэр.
Бу бастакы күрэххэ Тываттан – Сайын-Белек Тюлюш – 90 кг үөһээ ыйааһыҥҥа, Бурятияттан — Жаргал Дамдинов – 65 кг (эр дьон) бастаатылар, Алтайтан –Родион Асканаков – 57 кг (эр дьон), Монголиятан – Дамжин Батзул– 95 кг (эр дьон) иккис буоллулар. 75 киилэттэн үөһээ ыарахан ыйааһыҥҥа, аатырбыт тустуук Илья Кондратьев аатынан абсолютнай чемпионынан Аар Дархан бирииһи Балдан Цыжипов (Бурятия) ылла.
Биһиги улуустан 47 спортсмен кытынна: эр дьоҥҥо: 57 кг – 5, 65 кг – 15, 75 кг – 9, 85 кг – 4, 95 кг – 2, 95 кг үөһээ – 1 бөҕөс, бэтэрээннэргэ 60 кг – 5, 70 кг – 2, 80 кг – 2, 90 кг – 1, 90 кг үөһээ – 1 бөҕөс. Биэс мэтээли (2 кыһыл, 2 үрүҥ көмүс, 1 боруонса) Хаҥалас спортсменнара илдьэ хааллылар.
80 киилэҕэ — 1 миэстэни Прокопий Петров (16 бөҕөс, 5 спорт маастара, бэтэрээннэр) ылан үөртэ уонна “Хаҥалас хапсаҕайыгар” ахсыс төгүлүн чөмпүйүөн аатын ылла.
Кыра ыйааһыҥҥа Саха АССР курдаһан тустууга чемпиона Василий Семенов – Күүстээх Баһыы кэриэһигэр Аан Дарханынан Үөһээ Бүлүү бөҕөһө Тимур Николаев ааттанна.
75 киилэҕэ — Владислав Ефимов (98 бөҕөс, 13 спорт маастара (эр дьон) бастаата, 60 кг ыйааһыҥҥа Илья Тимофеев (11 бөҕөс, 7 спорт маастара(бэтэрээннэр), 90 кг — Степан Гаврильев (9 бөҕөс, 2 спорт маастара(бэтэрээннэр) (кини Бүлүү улууһун Тыымпытыгар Быыбар Быкалыыровсырдык аатыгар «А» категорияҕа хапсаҕайга өрөспүүбүлүкэтээҕи турнир эр дьоҥҥо иккис призера буолар) иккис миэстэни ыллылар. 95 киилэттэн үөһээ 3 миэстэҕэ Даниил Иванов (24 бөҕөс, 2 спорт маастара (эр дьон) таҕыста.
Бу икки күннээх күрэх-тэһиигэ күүстэрин-кыахтарын көрдөрөн, хапсаҕайдаһан холонон ааспыт спортсменнарга барыларыгарситиһиини, инникитин өрөгөй төрдүгэр тахсыыны баҕарыаҕыҥ.
Василий МОЖУКОВ, СӨ спордун бэтэрээнэ.