2019 сылтан «Үөрэҕирии» национальнай бырайыак олоххо тэтимнээхтик киирэн, биһиги оскуолабытыгар «Точка роста» сайдыы киинэ, «Цифровая образовательная среда» кабинеттара арылыннылар.
2022 сыллаахха биһиги «Үөрэҕирии ситимин оскуолаларын модернизациялааһын» диэн программаҕа киирсибиппит. Ол программа чэрчитинэн, оскуолабытыгар 2 сыл устата 40 мөлүйүөн сууммалаах капитальнай өрөмүөн ыытыллынна. Оскуолабыт 1979 сыллаахха тутуллубута, онтон ылата маннык улахан өрөмүөн ыытылла илигэ. Онон бары, коллектив даҕаны, үөрэнээччилэрбит, төрөппүттэрбит үөрүүбүт муҥура суох.
Өрөспүүбүлүкэбитигэр саҥа оскуолалар тутуллаллар, материальнай-техническэй база бөҕөргөтүллэр, усулуобуйа тэриллэр. Бу барыта оҕолорбут дьоҕурдарын сайыннарыыга туһуланар.
Луиза Корякина А.В. Дмитриев аатынан Ой орто оскуолатын дириэктэрэ.