Дойдубут президенэ Владимир Путин көҕүлээбит «Доруобуйа харыстабыла» национальнай бырайыак чэрчитинэн, Өктөм нэһилиэгин Чапаев сэлиэнньэтигэр «Саха Универсал» ХЭТ саҥа фельдшерскай пууну тутан саҕалаата.
Тутуу саҕаланыытын бэлиэ түгэнигэр Хаҥалас улууһун кылаабынай бырааһа Артур Протодьяконов, Өктөм учаастактааҕы балыыһатын кылаабынай бырааһа Мария Исакова, нэһилиэк олохтоохторо, доруобуйа харыстабылын үлэһиттэрэ уонна бэтэрээннэрэ кытыннылар, алгыс тылларын анаатылар.
Тутуу бу сыл бэс ыйыгар түмүктэниэҕэ, онон олохтоохтор үс үлэһиттээх саҥа фельдшерскэй-акушерскай пууҥҥа көрдөрүнэр, эмтэнэр кыахтаныахтара.
Санатар буоллахха, «Саха Универсал» ХЭТ Төхтүр нэһилиэгэр эмиэ маннык пууну тутан соторутааҕыта үлэҕэ киллэрдэ.
Татьяна Владимирова.