“Триумф” стадион тутуллубута

(“Азия оҕолоро” IV-с спортивнай оонньуулар. 2008 сыл, от ыйын 3-13 күннэрэ. Дьокуускай, Мирнэй-Нерюнгри)

Бу оонньууларга спорт 19 көрүҥэр 16 омук дойдутуттан уонна Россия 27 субъегыттан барыта 3038 эдэр спортсмен кыттыыны ылбыта. Кинилэр Дьокуускайга, Мирнэйгэ уонна Нерюнгрига күрэхтэспиттэрэ.

Оонньууларга анаан Нерюнгрига сабыылаах стадион, Мирнэйгэ “Кимберлит” спортивнай комплекс, Дьокуускайга “Триумф” стадион тутуллубуттара.

Норуоттар икки ардыларынааҕы “Азия оҕолоро” спортивнай оонньууларын былааҕын КНР, Индия, Корея, Монголия, Таиланд, Казахстан чулуу спортсменнара уонна Саха сирин аатыттан көҥүл тустууга Россия уолаттарын кыайыылааҕа Альберт Семенов стадиоҥҥа тэниччи тутан таһаарбыттара. Спортсменнар ааттарыттан андаҕар тылы Европа, Россия уонна “Кэскил” хаһыат тэрийэр “Оҕолор уонна маастардар” республикатааҕы күрэхтэһиилэрин кыайыылааҕа, Россия дуобакка сүүмэрдэммит хамаандатын чилиэнэ Сайыына Попова эппитэ. Күрэхтэһии кылаабынай судьуйата – көҥүл тустуугаОлимпийскай чемпион П. П. Пинигин.

“Азия оҕолоро-2008” спортивнай оонньууларга барыта 272 кыһыл көмүс, 272 үрүҥ көмүс, 338 боруон-са мэтээл оонньоммута. Официальнайа суох ааҕыыга Саха сирин I N-дээх хамаандата 32 кыһыл, 40 үрүҥ көмүс, 44 боруонса мэтээллэнэн, бастакы миэстэҕэ тахсыбыта. Иккиһи казахтар (24 кыһыл, 19 үрүҥ көмүс, 40 боруонса) ылбыттара. Оттон Саха сирин 2-с хамаандата (9 кыһыл, 9 үрүҥ көмүс, 24 боруонса) үһүс көрдөрүүлэммитэ. Төрдүс миэстэҕэ Кытайсудаарыстыбатын сүүмэрдэммит хамаандата (13 кыһыл, 12 үрүҥ көмүс, 12 боруонса) мэтээллэргэ тиксибитэ. Индиялар 13 кыһыл, 14 үрүҥ көмүс, 9 боруонса мэтээллээхтэр этэ. Корея даҕаны хаалсыбатаҕа — 13 кыһыл, 8 үрүҥ көмүс, 4 боруонса мэтээллэммитэ. Таиланд 10 кыһыл көмүһүгэр өссө 5 үрүҥ көмүһү, 4 боруонса эбиммитэ. Монголия баатырдара 5 кыһыл, 9 үрүҥ, 15 боруонса мэтээлгэ  тиксибиттэрэ.

Василий МОЖУКОВ, СӨ спордун бэтэрээнэ, Покровскай к.