Оҕо сайыҥҥы сынньалаҥа
«Юниор» өрөспүүбүлүкэтээҕи чинчийэр оскуола Билим дьоҕус академиятыгар бэс ыйын 17 күнүттэн үлэтин саҕалаабыта. Манна 58 орто сүһүөх үөрэнээччилэрэ өрөспүүбүлүкэ араас муннуктарыттан кэлэн кытыннылар.
М.К. Аммосов аатынан ХИФУ Естественнэй наукалар институтун устудьуоннара оҕолорго химия, экология, ботаника, биология, метеорология хайысхайаларыгар тьютордаатылар, баһаатай быһыытынан сырыттылар. Лааҕыр оҕолоро үрдүттэн олорон эрэ үөрэннилэр, үлэлээтилэр, чинчийдилэр.
СӨ Билим дьоҕус академиятын дириэктэрэ Василий Павлов маннык диэн санаатын үллэһиннэ:
— «Юниор» өрөспүүбүлүкэтээҕи чинчийэр оскуола 2021 сылтан төрдүс төгүлүн ыытыллар. Манна 6-с, 7-с, 8-с кылаас оҕолоро кэлэн кытталлар. Бастакы түһүмэҕэ онлайн ыытыллыбыта. Онтон сүүмэрдэнэннэр, бэйэлэрин интэриэһиргиир хайысхаларынан арахсан чинчийиилэрин саҕалыыллар. Быйыл манна Дьокуускай куораттан уонна өссө 14 улуустан оҕолор кэлэн кыттан бардылар. Чинчийбит бырайыактарын үөрэнээччилэр салгыы хас эмэ сыл үлэлэһэн бара тураллар. Онон бу тэрээһин кинилэргэ инники сайдыыларын көҕүлүүр.
«Юниор» өрөспүүбүлүкэтээҕи чинчийэр оскуола кыттааччылара бары астынан, араас улуустан саҥа доҕоттордонон тарҕастылар. Билим эйгэтигэр аныгыскыга көрсүөххэ диэри диэн туран, барыларыгар өссө элбэх ситиһиилэри баҕара хаалабыт.
Татьяна Владимирова.