Үөрэх кыһата
«Айтыын» цифровой технология колледжыгар 2024-2025 үөрэх дьылыгар абитуриеннартан докумуону бэс ыйын 20 күнүттэн тутан саҕалаатылар. Бу орто анал үөрэх кыһатыгар быйыл ханнык идэлэргэ үөрэтэллэрин туһунан докумуоннары тутар хамыыһыйа сэкирэтээрэ Елена ПЕТРОВА иһитиннэрдэ.
— Кэнники сылларга орто анал үөрэх кэскиллээх буолла. Быйыл биһиги колледжпытын 107 устудьуон үөрэнэн бүтэрдэ. Кэлэр үөрэх дьылыгар бүддьүөт миэстэтигэр 11-с кылаас кэннэ «Информационные системы и программирование» специальноська үөрэнэн программист идэтин баһылыахха сөп. Бу үөрэх болдьоҕо 2 сыл 10 ый. Ону сэргэ 1 сыл 10 ый үөрэнэн «Туризм и гостеприимство» специальноська туризм испэсэлииһин идэтин баһылыахха сөп, аныгы кэмҥэ актуальнай «Эксплуатация беспилотных авиационных систем» идэҕэ үөрэнэн пилота суох көтөр аппараат оператора буолаҕын.
9-с кылаас кэнниттэн «Обеспечение информационной безопасности автоматизированных систем» идэҕэ ылабыт. Манна 3 сыл 10 ый үөрэнэллэр. «Информационные системы и программирование» үөрэммиттэр веб уонна мультимедийнай сыһыарыылары оҥорор идэни баһылыыллар. Бэлиэтээн эттэххэ, бу отделениеҕа Горнай улууһун Бэрдьигэстээҕэр эмиэ үөрэтэбит. Маны сэргэ 11 кылаас кэннэ төлөбүрдээх үөрэх баар: «Монтаж, техническое обслуживание и ремонт медицинской техники» салааҕа үөрэммиттэр тиэхиньик идэлээх буолаллар.
Үөрэххэ тутуу быраабылатыгар олоҕуран, абитуриеннар орто анал үөрэх бырагыраамаларыгар аттестат орто баалынан куон курустаһаллар. Үөрэххэ киирбиттэргэ барыларыгар судаарыстыбаннай истипиэндьийэ төлөнөр. Үөрэҕи бүтэрбиттэргэ идэни баһылаабыттарын туоһулуур диплом туттарыллар.
— Үөрэххэ туттарсааччыттан ханнык докумуоннар ирдэнэллэрий?
— Абитуриентан сайабылыанньа наада. Аттестата эбэтэр диплома, паспорын куоппуйата, 3*4 кээмэйдээх хаартыска (4 устуука). Сайаапканы СӨ үөрэҕин өҥөтүн эрэгийиэннээҕи порталыгар https://edu.e-yakutia.ru аадырыһынан, колледж электроннай почтатыгар aityyn@gov14.ru эбэтэр Хаҥалас улууһа, Покровскай куорат, Ини-бии Ксенофонтовтар уул., 31№-гэр уоннаГорнай улууһа, Бэрдьигэстээх с. Данилов уул, 51 б №-гэр ыытыахтарын син. Билсэр телефон нүөмэрэ 8(41144)45242.
— Иһитиннэрииҥ иһин махтал!
Ольга ГЕРМОГЕНОВА.