Бу – интэриэһинэй
Олимпийскай оонньуу туһунан бастакы сурук биһиги эрабыт 776 сыл иннинэ суруллубут. Ити сыл Элида олохтооҕо, ас буһарааччы Корэб кыайыылаах буолбутун туһунан кэпсэнэр. Оччолорго күрэхтэһии аҥардас стадион уһунугар сүүрүүгэ эрэ ыытыллар эбит. Биллэн турар, кыттааччылары да, көрөөччүлэри да астыннарбатах. Онон биһиги эрабыт 774 сыл иннинэ оонньуу бырагырааматыгар диаул-сүүрүү (384м 54см) киллэриллибит. Итинтэн кэлэр оонньууларга уһун дистанцияҕа сүүрүү-доликодром (4км 714м 05см), 708 сылга-пентатлон (многоборье) киллэриллибит. Онно стадион биир уһунугар сүүрүү, уһуну ойуу, диискэни уонна үҥүүнү быраҕыы, итиэннэ тустуу бааллара.
Баһылыктарга анаан биһиги эрабыт 680 сыл иннинэ колесницаны сырыһыннарыы, оттон 648 сыллаахха ат сүүрдүүтэ бырагыраамаҕа киллэриллибитэ. Сороҕор итиннэ айааһана илик аты эбэтэр оҕуһу сүүрдүү эбии киирэн биэрэрэ. Кыайыылаах албан аатын тойоттор ылаллара, кулукка бараан түүтүттэн оҥоһуллубут бастыҥа эрэ тиксэрэ.
1988 сыл Сайыҥҥы XXIV—с Олимпийскай оонньуу Сеулга(Соҕуруу Корея) ыытыллыбыта. Онно алта бастыҥ дьахталлар көрдөрүүлэрэ:
1м. Роза Мота (Португалия) – 2:25.40 сөк,
2м. Лиза Мартин (Австралия) – 2:25.53 сөк,
3м. Катрин Дерре (Германия) – 2:26.21 сөк,
4м. Татьяна Половинская (ССРС) – 2:27.05 сөк,
5м. Чжао Юфэн (Китай) – 2:27.06 сөк,
6м. Лаура Фолдь (Италия) – 2:27.49 сөк.
ССРС дьахталларын хамаандата марафоҥҥа Олимпийскай оонньууга бастакы кыттыылара этэ.
4м. Татьяна Половинская – 2:27.05 сөк,
9м. Зоя Иванова – 2:30.25 сөк,
16м. Раиса Смехнова – 2:33.19 сөк. Бары ССРС хамаандалара.
Бу Оонньууларга барыта 70 спортсменка стартка тахсыбытыттан 64 спортсменка түмүктээбитэ, 6 спортсменка сүүрүү суолуттан туораабыттара.
Василий МОЖУКОВ, СӨ спордун бэтэрээнэ.