Олимпийскай чемпион, аан дойду чемпионатын үс төгүллээх кыайыылааҕа, ССРС спордун үтүөлээх маастара Павел Павлович Пинигин аатынан “Саха сирин тимир суоллара” тэрилтэ бирииһигэр көҥүл тустууга от ыйын 17-19 күннэригэр Дьокуускайга “Триумф” спорткомплеска ыытыллыбыт күрэх түмүктэннэ.
16—гар диэри саастаахтарга Бүтүн Россиятааҕы аһаҕас турнир күрэҕэ Саха сирин, Бурятия, Тыва, Забайкальскай, Красноярскай уонна Хабаровскай кыраайдар, Иркутскай, Амурскай уобаластар, Еврейскэй Автономнай уокурук, саастарынан араарыллыбыт икки бөлөҕүнэн ыытылынна.
Бастакы бөлөххө: алта ыйааһыҥҥа – 210 бөҕөс, иккискэ алта ыйааһыҥҥа – 127 бөҕөс туһунна. Кылаабынай судьуйанан Дь. Н. Сивцев, кылаабынай сэкиритээринэн П. С. Друзьянов үлэлээтилэр.
Дьарыктар түмүктэринэн биһиги улуустан тустуук оҕолорбут ситиһиилэннилэр:
26 киилэҕэ (27 тустуук) Руслан Афанасьев чемпионнаата (тренерэ Романов. В. В.), 62 киилэҕэ (20 тустуук) Арылхан Кононов – үһүс миэстэҕэ таҕыста (тренердэрэ Афанасьев Ю. В уонна Дмитриев. Г. Д.).
85 киилэҕэ 11 тустуук тургутуста. МаннаАйхан Кривошапкин – чемпионнаата (тренерэ Дмитриев. Г. Д.).
Оҕолорбут российскай турнир таһымыгар күрэхтэһэн ситиһиилэннилэр. Ситимнээх үлэ, тренердэрин сүбэтэ сүрүн тирэх буолар. Оҕолор төрөппүттэрэ өйөөн, өйдөөн, тренердэри кытта ыкса сибээстээхтик, сыал-сорук туруорунан үлэлээбиттэрэ ситиһиилээх буолбута саарбаҕа суох.
Василий МОЖУКОВ, СӨ спордун бэтэрээнэ, Покровскай к.