Бары бииргэ
Анал байыаннай дьайыы кыттыылаахтарыгар уонна кинилэр дьиэ кэргэттэригэр нэһилиэк олохтоохторо туох кыалларынан көмөлөһөллөр. Ол курдук, харыстанар сиэккэлэри баайаллар, гуманитарнай көмөнү оҥороллор, дойдуларыгар хаалбыт дьонноругар дьиэ-уот, хаһаайыстыба үлэлэригэр күүс-көмө буолаллар. Соторутааҕыта кыргыһыы бара турар зонатыгар бойобуой дьайыыларга кыттыбыт бэтэрээн Виталий Лыткин уолаттары кытары көрсүһэн кэлбитэ.
Аҕыйах хонуктааҕыта Булгунньяхтаах нэһилиэгэ култуура дьиэтигэр «Биһиги кэммит дьоруойдара» диэн стендэни арыйбыттара. Манна хаартыскалары сэргэ буойуттарга ананан Саха сиригэр тахсыбыт тэттик кинигэлэри көрдөрүүгэ туруорбуттара долгутуулаах көстүү этэ, ол иһигэр хоту дойду талааннаах поэта Иван Рожин хоһооннорун хомуурунньугун.
Нэһилиэк күнүгэр атыыттан-эргиэнэн, аукционтан, лотореяттан, оннооҕор киэһээҥҥи дискотекаттан 348727 солкуобай үп инники кирбиигэ сылдьар уолаттарга харчынан көмөҕө киирбитэ. «Дьулуур», «Сата», «Кэскил», «Сардаана», киин түөлбэбэр, тойон—арыылар, ону сэргэ тэрилтэлэр, «Кыталык» маҕаһыын, «Камрит» ХЭТ, тэрээһиҥҥэ көх-нэм буола кэлбит «Муус Хайа» эрэстэрээн асчыттара, «Картошка-фест» тэрийсээччилэр иһит атыылаан, Сардаана Григорьева «Живопись» маастар-кылааһыттан киирбит харчыларыттан уктулар. Баһылык Айталина Васильева бары кыттыбыт, тэрийсибит, үбү түмүүгэ көмөлөспүт амарах санаалаах биир дойдулаахтарыгар махталын тириэртэ, инникитин даҕаны бу курдук үтүө дьыалаҕа көхтөөх, түмсүүлээх буоларга,сулууспаҕа сылдьар уолаттарга кыайыы аргыстанан кэлэллэригэр баҕа санаатын тириэртэ.
Людмила Аммосова.