Ахсынньы 2-12 күннэригэр чэпчэтиилээх бэчээккэ сурутуу бара турар. Олохтоох дьаһалталар, тэрилтэлэр, биирдиилээн меценаттар саастаах дьонноругар сурутууну көхтөөхтүк ыыта сылдьаллар. Инники күөҥҥэ үөдэйдэр таҕыстылар. Улахан Аантан «Бөртө» сылгы собуотун салалтата (А.В. Павлов) 10 ветераҥҥа суруттаран Саҥа дьылы көрсө бэлэх уунна.
Үөрэҕирии идэлээх сойуустарын кэмитиэтин (сал. Семенов В.Р.) көҕүлээһининэн 80-тан тахса педагогическай үлэ бэтэрээннэригэр суруттара сылдьаллар. Холобур, Улахан Аантан Мария Калитина иһитиннэрбитинэн, профком биэрбит 5000 солкуобайыгар үп эбэн 9 бэтэрээҥҥэ сахалыы тыллаах хаһыаппытын суруттулар, салайааччыларыгар Валерий Семеновка бэтэрээннэр ааттарыттан махталларын тириэрдэллэр. Дьокуускайтан «Хаҥалас» общество чилиэннэрэ Афанасий Владимиров, Вячеслав Алексеев, Николай Макаров о. д. а. эмиэ бу акцияҕа көхтөөхтүк кытыннылар, хастыы да биир дойдулаахтарыгар суруттардылар. Чэпчэтиилээх сурутууну мүлчү тутумаҥ.
Людмила Аммосова.
Хаартыскаҕа: Улахан Аантан сурутуу ылбыт педагогическэй үлэ ветераннара Македонова Вера Алексеевна, Прохоров Петр Николаевич.