Спорт
Көрбөт дьоҥҥо аналлаах остуол тенниһигэр Дьокуускай куорат турнирыгар Хаҥалас Улахан Ааныттан Евгений Матвеев, Покровскайтан мин кытынныбыт. Күрэх Залогка көрбөттөр саҥа дьиэлэригэр буолла. Манна Жатайтан, Дьокуускайтан уонна Хаҥаластан спортсменнар кэллилэр.
Эрийсиилээх күрэх түмүгүнэн Жатай уонна Дьокуускай кыайдылар. Уолбут миэстэлэспэтэ, эр дьон элбэхтэр, күүстээх оонньооччулар эбиттэр. Дьахталлар алтыа этибит, Дьокуускай бастаата, иккис, үһүс миэстэ Жатай медколлеһыттан устудьуоннар буоллулар, мин полуфиналга киирсэн төрдүскэ таҕыстым.
Дьоммут дьарыктанар теннис остуоллаах буолан, күн ахсын эрчиллэн кыайыахтарын кыайдылар. Улууспут салалтатыгар биһиэхэ Шоудаун остуолун көрдөөн туруорса сылдьыбытым даҕаны, эрэннэрэн баран сыаната ыарахан диэн аккаастаабыттара.
2015 сыллаахха кэргэним Афанасий Владимиров, талааннаах уус барахсан, интернеттэн көрөн остуол оҥорон биэрбитэ. Кэлин эргэрэн эрчиллии диэн суох. Ол да буоллар улууспут туһа диэн баран кыттабыт.
Видео: https://t.me/gazetahangalas/35016
Ольга Владимирова, көрбөттөр обществоларын салайааччыта.