Хаҥаласка Кыайыы уонна Эйэ сылыгар
Олунньу 23 күнэ — бу күн Улуу сэрии бэтэрээннэрин, бойобуой киирсиилэр кыттыылаахтарын, Сэбилэниилээх күүстэр кэккэлэригэр сулууспалаабыттары уонна сулууспалыы сылдьааччылары эҕэрдэлиибит. Эр санаалаах, тулуурдаах, дьулуурдаах, дойдубут уонна дьиэ кэргэн эрэллээх тирэхтэрэ буолар дьиҥнээх эр дьон бырааһынньыктара.
Олохтоммут үгэс быһыытынан хас биирдии оскуолаҕа Аҕа дойдуну көмүскээччилэр күннэрин тэрээһинэ ыытылла тураллар. И.М.Яковлев аатынан Покровскайдааҕы 1-кы №-дээх орто оскуолаҕа бүгүн алын сүһүөх кылаас оҕолоро байыаннай формаҕа, стройунан хаамыыга, күргүөмүнэн ырыа күрэҕэр кытыннылар. Манна кэнчээри оҕолорбут бэлэмнэрин сыаналыы буойун, Анал байыаннай дьайыы бэтэрээнэ, 9 ый инники кирбиигэ сылдьыбыт «Эр санаа» уордьан кавалера Вячеслав Заболоцкай тэрээһиҥҥэ кыттыыны ылла уонна эҕэрдэтин эттэ.
2-с кылаас үөрэнээччилэриттэн саҕалаан байыас таҥастаах оҕолор хамандыырдарын чуор хамаандатынан чиҥник үктээн киирэн истилэр. Оттон дириэктэри иитэр үлэҕэ солбуйааччы Семен Корякин оҕолору патриотическай тыыҥҥа иитиигэ туох үлэлэр баралларын биһиннэрдэ.
Аны саас ыам ыйыгар оҕолорбут барахсаттар үөрэхтэригэр туйгун билиилээх, Улуу Кыайыы 80 сылын көрсүөхтэрэ.
Уйбаан УЙГУУРАП, ааптар хаартыскаҕа түһэриитэ уонна видеоҕа устуута.