1-кы Дьөппөн орто оскуолатыгар Аҕа дойдуну көмүскээччилэр күннэригэр уонна Улуу Кыайыы 80 сылыгар аналлаах ырыаҕа, строевой хаамыыга күрэс буолла. Үөрэнээччилэр бары өрө көтөҕүллэн тураммыт кылааспыт чиэһин көмүскээтибит.
ОБЖ учуутала Петр Афанасьевич Лебедев бэрэссэдээтэллээх дьүүллүүр сүбэ, оскуолабыт дириэктэрэ Николай Иннокентьевич Гоголев, муусука учуутала, сержант Михаил Евгеньевич Адамов кытаанахтык, бары быраабыланы тутуһан туран сыаналаатылар. Күрэхтэһии түмүгүнэн алын сүһүөххэ 4-с кылаастар бастаатылар, улахаттарга 9-с кылаастар кыайыыны ыллылар. Дьүүллүүр сүбэ оҕолор быйыл бары үчүгэй бэлэмнээхтэрин, кыайыыга дьулуурдаахтарын бэлиэтээтэ.
Биһиги, 7-с кылаастар, байыаннай ырыаҕа бастыҥ этэрээт аатын ыллыбыт.
Эйэ иһин, сэрии уурайарын туһугар бары биир киһи курдук үчүгэйдик үөрэниэҕиҥ!
Санаайа Очиржапова, 1-кы Дьөппөн орто оскуолатын 7 кылааһын үөрэнээччитэ, МедиаКиин.