Спорт
Чурапчыга “Манчаары оонньууларыгар” бэлэмнэнии XXII өрөспүүбүлүкэтээҕи чемпионакка мас-рестлиҥҥа сүүмэрдиир бастакы квалификационнай күрэхтэһии буолан ааста. Бу күрэх Гаврил Десяткин-Күүстээх Дэһээккин кэриэһигэр ананан ыытылынна.
Барыта 463 мадьыны 30 улуустан кэлэн кытынна. Күрэхтэһиигэ тоҕус ыйааһыҥҥа – 232 мадьыны (эр дьон) ,сэттэ ыйааһыҥҥа – 133 мадьыны (дьахталлар), биэс ыйааһыҥҥа – 98 мадьыны (бэтэрээн эр дьон).
Биһиги улууспут хамаандата: дьахталларга 11 мадьыны, эр дьоҥҥо – 14, эр дьоҥҥо бэтэрээннэргэ – 7. Ол курдук, 50 киилэҕэ Наталья Радченко, 55 кг (19) Валерия Суханова, Валентина Суханова, 60 кг (18) Ньургуйаана Алексеева, Александра Нарахаева, 65 кг (23) Марина Федоренко, Екатерина Трофимова, 75 кг (20) Елена Алексеева, 85 кг (19) Анастасия Соломонова, Марфа Соловьева, 85 кг үөһэ (16) Олеся Петрова. Эр дьоҥҥо: 60 киилэҕэ 35 мадьыны — Артур Лотов, Айсен Горохов, 65 кг (23), Прокопий Абрамов, Денис Воробьев, 70 кг (25) Александр Контоев, Данил Леонтьев, 75 кг (31) Айаал Аянитов, Иннокентий Корякин, 80 кг (35) Мичил Федоров, Иван Данилов, 90 кг (30) Владимир Трофимов, 105 кг (22 ) Федот Колесов, 125 кг (17) Михаил Шадрин, 125 киилэ үөһэ (14) Егор Макаров. Эр дьоҥҥо бэтэрээннэр: 65 киилэҕэ 19 мадьыны Михаил Максимов, 75 кг (23) Александр Брызгалов, Андреян Харитонов, 85 кг (23) Ньургун Уваров, Айар Николаев, 95 кг (16) Степан Кузьмин, 95 киилэ үөһэ (17) Леонид Афанасьев.
Сорох мадьынылар туораан, бастыҥнар ордон путевкаҕа тиксэр туһугар сыралаахтык кииристилэр. Бэрди бэрт баһыйан кыайыылаахтар эгил-тэгил күрэхтэспиттэрин хайгыахха эрэ сөп. Аны сайын Манчаары Баһылай спартакиадата чугаһаан иһэр. Биһиги биэс мадьыныбыт бириистээх миэстэни ыллылар. Бэркэ кииристилэр.Дьахталлар ортолоругар чемпионнарынан Валентина Суханова, Марина Федоренко буоллулар. Үһүс Елена Алексеева, Олеся Петрова. Эр дьоҥҥо бэтэрээн мадьыныларбытыттан Степан Кузьмин иккис миэстэни ылла.
Күүстээх Дэһээккин күрэҕин түмүгүнэн маҥнайгы миэстэ Мэҥэ Хаҥалас улууһун күүстээхтэригэр тосхойдо,Таатта – 2-с, Уус Алдан – 3-с буоллулар.
“Манчаары оонньуулара” спартакиадаҕа кыттар 12 путевканы биһиги мадьыныларбыт ыллылар. Ол кимнээхтэрий диэтэххэ, 50 киилэҕэ Наталья Радченко, 55 кг Валентина Суханова, 65 кг Марина Федоренко, 75 кг Елена Алексеева, 85 киилэ үөһэ Олеся Петрова, 95 кг (бэтэрээн) Степан Кузьмин, оттон 70 киилэҕэ онус миэстэлээх, 75 кг алтыс миэстэлээх, 80 кг онус миэстэлээх дьон иккилии буолан кыттаннар чуолкайа пока биллибэт, 90 кг Владимир Трофимов, 105 кг Федот Колесов, 125 киилэ үөһэ Егор Макаров путевкаланнылар.
Олоххо дэҥҥэ буолар чыпчаал үөрүүлээх бэлиэ түгэнинэн итиитик-истиҥник эҕэрдэлиибит, спорка өссө саҥа үрдэллэри, үрдүк чыпчааллары, кылаан кыайыылары баҕарабыт!
Василий МОЖУКОВ, СӨ спордун бэтэрээнэ, Покровскай к.