“АЗИЯ ОҔОЛОРО” VIII спортивнай оонньуулары көрсө

(“Азия оҕолоро” I-кы спортивнай оонньуулар. 1996 сыл атырдьах ыйын 9-16 күннэрэ. Дьокуускай)

Олимпийскай оонньуулар төрүттэммиттэрэ 100 сылыгар Дьокуускай куоракка норуоттар икки ардыларынааҕы Азия оҕолоро” I-кы спортивнай оонньууларын уота Туймаадастадиоҥҥа умайбыта. СӨ бастакы Президенэ Михаил Ефимович Николаев көҕүлээһининэн Азия континенын оҕолоругар аан бастаан ыытыллар оонньууларга анаан Дьокуускайга Туймаадастадион, “Кыайыы 50 сылаCпорт дыбарыаһа, “Эллэй Боотурмуус дыбарыаһа, норуоттар икки ардыларынааҕы Туймаадааэропорт тутуллубуттара.

Спорт 8 көрүҥүн түмпүт континент оҕолорун дьоһун күрэхтэһиитигэр Кытайтан, Таиландтан, Монголияттан, Кореяттан, Кыргызстантан, Казахстантан, Бурятияттан, Тываттан, Агино-Бурятскай автономнай уокуруктан уонна Саха сириттэн барыта 259 спортсмен кыттыбыта.

Оонньуу уотун уматар үрдүк чиэс Саха сирин кэскиллээх спортсменнарыгар Татьяна Козинаҕа, Гаврил Колесовка, Георгий Балакшиҥҥа, Анна Бирюковаҕа уонна Николай Чукровка сүктэриллибитэ.

Чэпчэки атлетикаҕа, көҥүл тустууга, боксаҕа, дуобакка, саахымакка, оҕунан ытыыга, дзюдоҕа, остуол тенниһигэр биэс күннээх күүрүүлээх күрэхтэһиилэр Дьокуускай сабыс-саҥа  спортивнай комплекстарыгар ыытыллыбыттара.

Бу бастакы оонньууларга 72 кыһыл, 73 үрүҥ көмүс уонна 79 боруонса мэтээллэр, ол эбэтэр барыта 224 мэтээл оонньоммута. Кытай спортсменнара 12 мэтээл (9 кыһыл, 3 үрүҥ көмүс) ылбыттара.

Монголия – 27 (4 кыһыл, 7 үрүҥ көмүс, 16 боруонса)

Таиланд – 23 (10 кыһыл, 7 үрүҥ көмүс, 6 боруонса)

Бурятия – 26 (8 кыһыл, 14 үрүҥ көмүс, 4 боруонса)

Казахстан – 3 (1 кыһыл, 2 үрүҥ көмүс)

Тыва – 3 (2 кыһыл, 1 үрүҥ көмүс) мэтээли дойдуларыгар илдьэ барбыттара.

Саха сирин оҕолорун сүүмэрдэммит хамаандата 116 мэтээли (34 кыһыл, 35 үрүҥ көмүс, 47 боруонса) илдьэ хаалбыта. Бастакы оонньуу талисмана Бээчэ, эмблема, талисман уонна мэтээл автора Сергей Лукин куонкуруска 70-ча киһи кыттыбытыттан кыайыылааҕынан тахсыбыта. Быстрее, Сильнеедиэн спорт ыҥырыытын санатардыы уруһуйдаабыта. Бастакы оонньууга гимн суоҕа.

Олимпийскай оонньуулар ыытыллыбыт Америка Атланта куоратыттан аҕалыллыбыт уоту ити Олимпиадаҕа сылдьыбыт Саха сирин делегациятын салайааччыта, оччолорго Үрдүкү спортивнай маастарыстыба оскуолатын директора Юрий Баишев тутан киллэриитэ эмиэ биир кэрэбэлиэ түгэнинэн буолбута. Оонньуу кылаабынай судьуйатынан биһиги олимпийскай чемпиоммут Павел Пинигин, кылаабынай сэкирэтээринэн Алексей Мостахов анананүлэлээбиттэрэ. Биһиги улуустан 1996 сылга Азия  оҕолоробастакы аан дойдутааҕы оонньууларга көҥүл тустууга Леонид Спиридонов бастаабыта. Азия оҕолорокүрэхтэһии былааҕын Саха сирин 8 бастыҥ спортсмен үөрэнээччилэрэ тэниччи тутан киирбиттэрэ.

Леонид Спиридонов Хаҥалас улууһуттан төрүттээх. Норуоттар икки ардыларынааҕы кылаастаах спорт маастара. 2003 сылтан Казахстан чиэһин көмүскээбитэ. Бастакы тренерэ О. Д. Лебедев, кэлин РФ үтүөлээх тренерэ Б. Г. Яковлев салалтатынан дьарыктаммыта.

Бастыҥ көрдөрүүлэрэ:

1996, 1999 – 2000 сс. Россия уолаттарга түһүлгэтин призера.

1996 с. “Азия оҕолороспортивнай оонньуу кыайыылааҕа.

1999 с. эдэрдэргэ Аан дойду чемпионатын призера.

1999 с.СӨ бастыҥ спортсмена.

2000 с. СӨ бастыҥ спортсмена.

2000 с. студеннарга Россия уонна Аан дойду чемпиона.

2002 с. Россия Кубогын кыайыылааҕа.

2004 с. Афиныга ыытыллыбыт XXVIIIОлимпийскай оонньууга IV миэстэ.

2006 с. Азия чемпиона. Казахстан Республикатын хас да төгүллээх чемпиона.

2008 с. Пекиҥҥэ (Кытай) буолбут XXIX Олимпийскай оонньууга IV миэстэ.

      Василий МОЖУКОВ, СӨ спордун бэтэрээнэ, Покровскай к.