Сэтинньи — Байанай ыйынан биллэр. Биһиги 1-кы Дьөппөн санаторнай оскуолабытыгар онуоха сыһыаннаах араас тэрээһин ыытыллар.
Бибилэтиэкэрбит Майя Михайловна Кириллина булка-алка сыһыаннаах викторина ыытта, интэриэһинэй кэпсээннэри кэпсэттибит. Оттон уолаттарбыт кылааһынан Байанай күрэҕэр кытыннылар. Бастаан кыттар хаһан баҕарар долгутуулаах, ол да буоллар уолаттар бэйэлэрин билиһиннэрдилэр, ыйытыкка эппиэттээтилэр, кыыллар суолларын быһаардылар, көтөрдөрү мээчигинэн сыал бырахтылар. Бары даҕаны бэркэ кыһаллан кытыннылар.
Дьүүллүүр сүбэҕэ история учуутала Михаил Никифорович Архипов, труд учуутала Алексей Петрович Иванов, физкультура учуутала Афанасий Ильич Скрябин үлэлээтилэр. Кинилэр быһаарыыларынан күрэхтэһии кыайыылааҕа 7 кылаас үөрэнээччитэ Макар Николаев буолла, 2 миэстэҕэ 6 кылаас үөрэнээччитэ Айсен Христофоров тигистэ уонна 3 миэстэ 5 кылаастан Валера Мордовской буолла.
Ира Строева, 1-кы Дьөппөн санаторнай оскуола-интэринээтин 7 кылааһын үөрэнээччитэ.