«Бэтэрээҥҥэ суруттар» акцияҕа кыттабыт Сиинэ нэһилиэгэр улууспут хаһыаттарыгар сурутуу барар. «Бэтэрээҥҥэ суруттар» акцияҕа кыттан тэрилтэлэр бэйэлэрин бэтэрээннэригэр, ону сэргэ анал байыаннай дьайыыларга сылдьар ыччаттардаах дьиэ кэргэттэргэ бэчээккэ көхтөөхтүк суруталлар.
Ол курдук врачебнай-фельдшерскэй пуун үлэһиттэрэ бэтэрээннэригэр Соловьева Валентина Пантелеймоновнаҕа, «Елочка» уһуйаан кэлэктиибэ хараҕынан инбэлиит, үлэ киһитигэр Кузьмина Валентина Харитоновнаҕа, бибилэтиэкэ үлэһиттэрэ билигин сынньалаҥҥа олорор Ефремова Октябрина Егоровнаҕа, Баһаарынай чаас кэлэктиибэ Якушева Венера Викторовнаҕа, АЗС — Кельцинова Розалия Ивановнаҕа, ОДьХХ учаастагыттан Яковлева Зинаида Руфовнаҕа, олохтоох дьаһалта баһылыга Айдан Леверьев сэрии сылын оҕотугар, үлэ бэтэрээнигэр Леверьева Мария Николаевнаҕа биир бастакынан суруттардылар.
Почта начаалынньыга Татьяна Владимирова иһитиннэрэринэн, бэчээккэ сурутуу салҕанар.
Лариса ЛЕВЕРЬЕВА, биһиги общ. корр.