Чэпчэтиилээх сурутуу кэмин мүччү туппакка кэллиэгэбит, Покровскай куорат Аҕаларын сүбэтин салайар Уйбаан Уйгуурап биир бастакынан Нөмүгү нэһилиэгин үс бэтэрээнигэр кэлэр сыл аҥарыгар «Хаҥалас» хаһыаты суруттаран бэлэх уунна диэн иһитиннэрэн турабыт.
Үтүө холобур батыһааччылардаах буолар дииллэринии, Покровскай куорат аҕам саастааҕар Дарья Николаевна Максимоваҕа «Сардаана» уһуйаан буҕаалтыра Татьяна Петрова – Мойуу кыыһа, Улахан Аан олохтооҕор Исай Семенович Макаровка, Кытыл Дьураттан Алексей Петрович Лотовка общественник, «Сардаана» уһуйаан хаһаайыстыбаннай чааска сэбиэдиссэйи солбуйар Петр Дмитриев эмиэ кэлэр сыл аҥарыгар сахалыы хаһыаты суруттаран бэлэхтээтилэр.
Редакция аатыттан бу дьоммутугар улаханнык махтанабыт!