Спорт күрэҕин күөдьүппүт
Олимпиада уотун сахпыт
Улуу Кубертэн дойдутугар
Көҥүл Франция сиригэр,
Париж дьикти ураһатын —
Эйфелевай башня,
Угуйар уоттаах түһүлгэтигэр
Модун санаа кынаттанан
Күүстээхтэрдиин күөн көрсө,
Быһыйдардыын илин түсүһэ,
Арассыыйа Эбэ Хотун —
Улуу дойду улаҕатыттан,
Биэс саха аттанна.
Хаһан буолтай бу маннык ?!
Таҥара талбыт дойдутуттан —
Францияттан кый ыраах,
Халыма хаардаах биэрэгэр
Кыыс Амма кырдалыгар
Бүлүү Эбэ хонноҕор
Саха аатын ааттатар
Модун күүстээх санаалаахтар
Төрүүллэр эбээт, ураанхайдар!
Үйэ аҥаара буолла
Саха норуотун үөрдэн
Үс саха өрөгөйдөөбүтэ!
…Эрэнэбин кыталык кыыспар
Ааттыын кэрэ Сардаанаҕа!
Быһый таба атаҕа
Хаһан да быстыбатын,
Үөрүү өрөгөйүн аҕаллын!
Эрэнэбин боотур уолаттарбар,
Аан дойду көбүөрэ
Соргулаах буоллун сахаларга,
Кыайыыны эрэ аҕаллын!
Баҕарабын барыларыгар,
Ыксаллаах быстар түгэннэргэ
Модун санаа түөстэригэр
Кутулуннун аар тайҕа
Чэбдик ыраас салгына!
…Өр сылларга күүппүт
Уһун кэмҥэ кэтэспит
Сахам норуотун түөһүгэр,
Олимпиада мэтээлэ күлүмүрдээтин!
Дом !!!
Чакыр Улар, Покровскай к.