Дьокуускай куоракка 2024 сыл атырдьах ыйын 7 күнүгэр “Патриот” кулуубун тииригэр булдьанан ытыыга Сунтаар улууһун Куокунуттан төрүттээх Сэбиэскэй аармыйа сержана, снайпер Егор Константинович Петров (Чокко) бирииһигэр өрөспүбүлүкэтээҕи биирдиилээн хамаанданан уонна бэтэрээннэргэ 50 — үөһэ (дьахталлар), 55 — үөһэ (эр дьоннор саастаах) күрэх ыытылынна.
Бэтэрээннэр бириистэригэр күрэхтэһиигэ “Белка ПС” 13 хамаанда: Төҥүлү, Кэбээйи, Хаҥалас, Орто Халыма, Үөһээ Бүлүү-I, Үөһээ Бүлүү-II, Уус Дьааҥы—I, Уус Дьааҥы—II, Өлүөхүмэ, Таатта, Үөһээ Халыма, Сунтаар-I, Сунтаар-II улуустарыттан кытыннылар, барыта 24 спортсмен, ол иһигэр Хаҥаластан икки киһи.
Хамаанданан түмүккэ I-кы миэстэҕэ Төҥүлүттэн Петрова Наталья (243 очукуо), Борисов Анатолий (235—478), иккискэ — Уус Дьааҥы-I — Тарская Мария (180), Захаров Айаал (193-373 очукуолаах) таҕыстылар. Үһүскэ Хаҥаластан Макарова Римма (161), Ефимов Петр (178—339) тигистилэр.
«Куропатка ВП» күрэҕэр, 2009-1989 сыллаах төрүөхтэр кииристилэр, 12 хамаанда — Төҥүлү, Кэбээйи, Хаҥалас, Орто Халыма, Уус Дьааҥы—I—II, Өлүөхүмэ, Үөһээ Халыма, Сунтаар-I—II, Верхоянскай-I—II хамаандалара, барыта 22 спортсмен. Хаҥалас хамаандата иккис миэстэҕэ таҕыста. Манна төһүү күүс буоллулар Татьяна Павлова (детсад үлэһитэ), Дамир Чирков (ПСОШ-2, үөрэнээччитэ).
Хамаандалар икки көрүҥ түмүгүнэн:
I-кы миэстэ — Төҥүлүттэн Петрова Наталья, Борисов Анатолий, Баишева Оксана, Стручков Максим, II-с миэстэ — Хаҥаластан (Макарова Римма, Ефимов Петр, Павлова Татьяна, Чирков Дамир), II-с миэстэ Орто Халыматтан Винокурова Розалия, Винокуров Андрей, Винокурова Анжелика, Петров Уйгун.
Биирдиилээн күрэххэ “СОУ” Ефимов Петр, Макарова Римма, Мальцева Света, Павлова Татьянакытыннылар.
Үөрэнээччилэр ортолоругар «Куропатка ВП»муҥутуур кыайыылааҕынан Чирков Дамир Покровскай 2 №-дээх оскуолатыттан буолла.
Хаҥалас улууһугар буулдьанан ытыыга тренерэВалерий Адамов оҕолору уонна улахан дьону дьарыктаан сылын аайы спортсменнарбыт күрэххэ кытталлар, кэккэ ситиһиилэрдээхтэр.
Василий МОЖУКОВ, СӨ спордун бэтэрээнэ, Покровскай к.