Оҕолорбут суруйаллар
1-кы Дьөппөн санаторнай оскуола-интэринээтиттэн «NEW KАСЛ» оҕо тэрилтэтиттэн үс доҕордуу — 8 кылааска үөрэнэр Ваня Николаев, 7 кылаастан Макар Николаев уонна мин «Бэс Чагдаҕа» баран өрөспүүбүлүкэбит араас улуустарыттан мустубут оҕолору кытта биир нэдиэлэлээх үөрэх аастыбыт. Уопсайа 120 оҕо 11 араас улуустан, куорат таһыттан кэлэн үөрэннибит.
Манна биһиги оскуолабытыгар элбэхтэ кэлэ сылдьыбыт, СӨ оҕолорун уопсастыбаннай холбоһуктарын сойууһун бэрэссэдээтэлэ Геннадий Охлопковы көрсөн үөрдүбүт. Кини туох сыаллаах-соруктаах кэлбиппитин быһаарда, билиһиннэрдэ. Мустубут оҕолор бары биир киһи курдук сомолоҕолоһон үлэлээтибит, араас интэриэһинэй оонньуулары оонньоотубут, дуоһуйа сынньанныбыт. Этэрээттэринэн арахсан бырайыак оҥорорго үөрэннибит уонна ону көмүскээтибит. Оҕолор дьоҕурдарын туһанан, ис кыахтарын арынан, бэйэ бэйэбитигэр көмөлөһөн, санаабытын аһаҕастык этинэн элбэх сонуну-саҥаны бэйэбитигэр арыйдыбыт.
Биһиги «Память поколений» бырайыакпытын Кыайыы 80 сылыгар анаатыбыт, онон бу үлэбитин оскуолабытыгар өссө ситэриэхпит, тупсарыахпыт.
Сергей Яковлев, 1-кы Дьөппөн санаторнай оскуола-интэринээтин 7 кылааһын үөрэнээччитэ.