2024 сыл балаҕан ыйын 21-22 күннэригэр ЧурапчыгаАлександр Федоров аатынан спорт уораҕайыгар аатырбыт бөҕөс Прокопий Титович Брызгаев-Бөҕө Тараҕай сырдык кэриэһигэр XXI-с төгүлүн ыытыллар өрөспүүбүлүкэкүүстээх хапсаҕайдьыттарын ортолоругар турнир үрдүк таһымҥа буолан ааста. Манна өрөспүүбүлүкэ 19 улууһуттан барыта холбоон 80 бөҕөс кэлэн түһүлгэни киэргэттэ.
Күрэхтэһиигэ кылаабынай судьуйанан Захаров К. Н., кылаабынай сэкиритээринэн Афанасьев В. С. үлэлээтилэр.
Эр дьоҥҥо (кыайыылаахтар):
57 киилэҕэ (11 бөҕөс) –Сергей Санников (Чурапчы),
65 киилэҕэ (20 бөҕөс) –Дархан Игнатьев (Чурапчы),
75 киилэҕэ (14 бөҕөс) – Иван Семенов (Кэбээйи),
85 киилэҕэ (10 бөҕөс) – Айсен Поскачин (Кэбээйи),
95 киилэҕэ (7 бөҕөс) – Никита Софронов (Чурапчы),
95 киилэттэн үөһэ (2 бөҕөс) – Петр Соловьев (Чурапчы)
Бэтэрээн эр дьоҥҥо (кыайыылаахтара):
60 киилэҕэ (1 бөҕөс) – Иван Друзьянов (Чурапчы),
70 киилэҕэ (4 бөҕөс) – Александр Птицын (Мэҥэ Хаҥалас),
80 киилэҕэ (6 бөҕөс) – Прокопий Петров (Хаҥалас),
90 киилэҕэ (3 бөҕөс) – Платон Саввинов (Үөһээ Бүлүү),
90 киилэттэн үөһэ (3 бөҕөс) – Владимир Абрамов (Чурапчы).
Кыайыылаахтарга саҥа ааттар үгүстэр, түһүлгэ хаһаайыттара чурапчылар бу сырыыга аар-саарга аатырдылар. Аан Дархан аатын эр дьоҥҥо уонна бэтэрээннэргэ былдьастылар. Чурапчы биир кэскиллээх бөҕөһө Никита Софронов Аан Дархан кыайыылаах аатынсүктэ, убаһа бэлэх тутта.
Бэтэрээн эр дьоҥҥо Хаҥалас ааттаах-суоллаах бөҕөһө Прокопий Петров кылбар кыайыыны ситиһэн эмиэ Чурапчы убаһатынан наҕараадаланна. Биһиги биир дойдулаахпыт Прокопий Хаҥалас хапсаҕайын этигэр-хааныгар иҥэриммит бөҕөс, эмиэ дьиҥ сахалыы хамсаныылардаах, түргэн тустуулаах бөҕөс. Атахха үчүгэйдик киирэр, киирдэҕинэ төлө туппат, тустууну баһылаан-көһүлээн ыытар. Эдэр бөҕөстөргө холобур буолар киһи. Бүтэйдии сэрэйэбит, бэйэтин ыйааһыныгар тустар бөҕөстөрү көрө олорон эдэр сааһын саныырын, сүрэҕэ битиргэччи тэбэрин. Кини сүрэҕин баҕатын сүһүөҕэ эрэ уйдун! Улуус хапсаҕайын сирдьитэ, хапсаҕай спордун маастара Прокопий Петров буолаары турар XXII-с Манчаары Спартакиадатыгар Хаҥалас хамаандата инники күөҥҥэ тахсарыгар, сыаллаах-соруктаах дьарыга үрдүк үктэллээх буоларыгар баҕарабыт!
Василий Можуков, СӨ спордун бэтэрээнэ, Покровскай к.