Dealee – улуустарга айанныырга аналлаах саҥа өҥө

Саха сиригэр Dealee диэн ыраах айанныырга аналлаах саҥа сыhыарыы таҕыста.

Суоппардар уонна айанньыттар аргыс дьону, массыына булар кыахтаныахтара уонна айан ороскуотун уллэстэр буолуохтара. Сыhыарыыны Саха сиригэр оҥорон Таһаардылар.

Суоппардар манна хаска хантан ханна баралларын, хас аргыһы ылыахтарын уонна айаннарын ороскуотун үллэстэр гына төһө сыанаҕа кинилэри илдьиэхтэрин сөбүн туһунан суруйаллар. Онуоха сыһыарыы айан ороскуотун сыанатын суоттаан таһаарар.

Суоппар ону аргыстарын кытары үллэстэр гына бэйэтэ көрөн уларытыан сөп.

Куттала суох буолууну хааччыйан суоппар уонна айанньыт төлөпүөнүн нүөмэрэ көстүбэт. Айан туһунан кинилэр салгыы сыһыарыыга баар чат нөҥүө кэпсэтиэхтэрин сөп.

Тарас Егоров, техническэй дириэктэр:

– Dealee такси сакаастыырга буолбатах, бииргэ кыттыһан айанныырга аналлаах сыһыарыы. Ол эрээри манна эмиэ биһиги хардарыта барыстаахтык кэпсэтии тутулун салгыы сайыннарабыт.

Аргыстар бэйэ-бэйэлэрин эмиэ киһи рейтиныттан, дьон санаатыттан, итиэннэ массыына хайдаҕыттан, төһө миэстэ баарыттан көрөн талаллар. Онтон атынын чат нөҥүө быһаарсаллар.

Билигин сыһыарыыны туһаныы буор босхо. App Store, Google Play маркетплейстартан хачайдыахха сөп эбэтэр dealee.ru сайтка киирэн көрүҥ.