Бүгүн «Саргы Түһүлгэтэ» норуот айымньытын уонна култуура киинигэр сарсыарда 10 чаастан аҕам саастаах дьоҥҥо «Доруобуйа дьаарбаҥката» саҕаланна. Манна Уһук Илиҥҥи уокурук кылаабынай гериатра, мэдиссиинэ наукатын дуоктара Ольга Татаринова салайар, Өрөспүүбүлүкэтээҕи 3-с №-дээх Клиническэй балыыһатыттан 5 испэсэлиис кэллилэр.
Дьокуускай куоракка балыыһа 5 отделениелаах: гериатрическай, эмтиир, чөлүгэр түһэрэр киин балыыһа (урукку «Якутзолото»), 3-с №-дээх клиническэй, Уһун үйэлэнии киинэ уонна медосмотр (Дьокуускай к., Горькай уул., 94), Амбулаторнай реабилитационнай отделение күнүскү салаата. Бу балыыһа ыарыыны сэрэтэр кабинетын сүрүннүүр үлэһитэ Мария Антонова доруобуйа дьаарбаҥкатын сиһилии билиһиннэрдэ (видеоҕа көрүҥ).
Ааспыт сылга Сахабыт сиригэр ыарыыны сэрэтэр үлэ тэриллибитэ 85 сылын туолбута. Сааһырбыт дьон ордук сүһүөхтэрэ ыалдьарын кэпсииллэр. Аҕам саастаах дьоммут доруобуйаларын кэмигэр көрдөрүнэн, эмтэнэн өр кэмҥэ олоххо көхтөөхтүк тэтиэнэх сылдьалларыгар баҕарабыт.
Видео: https://t.me/gazetahangalas/35351
Уйбаан УЙГУУРАП, ааптар хаартыскаҕа түһэриитэ уонна видеоҕа устуута.