Махтал тыллара
Мин дьүөгэбинээн Уус Маайа улууһун Күп сэлиэнньэтиттэн кэлэн от ыйын 21-27 күннэригэр Покровскай куоракка хирургия отделениетыгар сытан эмтэнэн таҕыстыбыт. Бу аҕыйах кэм иһигэр иккиэн ыарахан эппэрээсийэни ааһан, олус түргэнник эмтэнэн үөрэн, дууһалыын чэпчээтибит.
Балыыһаҕа астара да минньигэһэ, дьиэлэрэ да ырааһа! Биһиэхэ, ыраахтан кэлбит дьоҥҥо, дьиэбитин-уоппутун суохтаппакка эмтээтилэр. Үлэһиттэр бары эдэр, кэскиллээх, киэҥ билиилээх эмчиттэр биир сомоҕо буолан айа-тута, сайда сылдьаллара харахха быраҕыллар. Киһи көрөн үөрэр, хайгыыр ыччаттара, күн аайы бииртэн биир кыраһыабай кыргыттар солбуйса сылдьан эмтээн, тэбис-тэҥҥэ ыарыыбытын үллэстэн аҕыйах кэм иһигэр олус үчүгэйдик дуоһуйа эмтэтэн тахсыбыппытыгар хирургия отделениетыгар махталбытын, тапталбытын тиэрдэбит!
Чуолаан бырааспытыгар Дмитрий Валентинович Неряевка уонна кини хамаандатыгар, биһиги биир дойдулаахпыт, доруобуйа харыстабылын туйгуна Анастасия Петровна Васильеваҕа барҕа махтал буоллун! Өссө даҕаны дьон туһа диэн үлэлии-хамсыы, олох хаамыытынан сайдан, тупсан иһэргитигэр баҕарабыт!
Инникитин саҥа аныгы сайдыылаах балыыһа тутуллан үлэҕит өссө сайда, чэчирии турдун!
Махталы кытта Клавдия Дьячковская (Барашкова), Варвара Седалищева.