Этэрээттэринэн күрэхтэстибит

1-кы Дьөппөн санаторнай оскуолатыгар хор күрэҕэ ыытылынна. Бу тэрээһини иитээччибит Наталья Дмитриевна Яковлева тэрийэн ыытта. Оҕолор, учууталлар, иитээччилэр үс этэрээккэ арахсан кытынныбыт. «Кыһын Саха сириттэн саҕаланар» фестиваль чэрчитинэн биир ырыа Саҥа дьылга ананна, иккис ырыаларын этэрээт бэйэтэ талла.

Дьүүллүүр сүбэҕэ дириэктэрбит Марина Владиславовна Ли, бибилэтиэкэ сэбиэдиссэйэ Татьяна Егоровна Сивцева, оскуолабыт медсиэстэрэтэ Зинаида Валентиновна Сыромятникова үлэлээтилэр.

Оскуолабыт иһэ үөрүүнэн туолла, Саҥа дьыл кэлэн иһэр тыына барыбытын сылааһынан кууста.

Этэрээттэр олус кыһамньылаахтык бэлэмнэммиттэр. Ол курдук, күрэх түмүгүнэн 3 миэстэ «Феникс» этэрээт (салайааччы Ирина Александровна Дягилева) буолла, 2 миэстэҕэ «Комета» (сал. Лада Семеновна Барашкова) тигистэ уонна кыайыылаах — «Адреналин» этэрээт (сал. Виктория Николаевна Федорова) үөрүү өрөгөйүн биллэ.
Тэрээһиммит олус көхтөөхтүк ааста, бары астынан тарҕастыбыт.

Дима Шестаков, 1-кы Дьөппөн санаторнай оскуолатын 8 кылааһын үөрэнээччитэ.

Читайте дальше