М.Е. Васильева аатынан 2-с Малдьаҕар орто оскуолатыгар сыл аайы балаҕан ыйыгар ыытыллар футбол күрэҕэ быйыл эмиэ буолла.
Манна 3-11 кылаас уолаттарын хамаандалара кытыннылар.
Биһиги сайын устата күн аайы футболлаан, элбэхтэ дьарыктаммыппыт. Ол иһин 5-7 кылаастар ортолоругар 1 миэстэ буоллубут. 4-с кылаастан Стас Соломонов биһиги хамаандабытыгар оонньоон, хас да очко аҕалла. Биһиги сөбүлүүр футболистарбыт Криштиану Роналду уонна Серхио Рамос. Футбол тулуурдаах буоларга уонна хамаанданан бары бииргэ оонньуурга үөрэтэр.
Ренат Терентьев, Влад Громов, М.Е. Васильева аатынан 2 Малдьаҕар орто оскуолатын 5 кылааһын үөрэнээччилэрэ, медиакиин.
Хаартыскаҕа түһэрдилэр: Нарыйаана Зыкова, 7 кылаас, Ангелина Алексеева, 8 кылаас, Ярослав Михайлов, 6 кылаас.