Биһиги аҕабыт Роман Егорович Соколов Орджоникидзевскай оройуон Тойон Арыы дьаамыгар Егор Алексеевич уонна Евдокия Тихоновна дьиэ кэргэнигэр 1916 с. төрөөбүтэ.
1937 с. кэргэннэммитэ. Ийэбит Анастасия Митрофановна диэн этэ. Сэриигэ барыан иннинэ үс уол оҕоломмуттара — Коля, Леня уонна Вася.
Аҕабыт «Красная скала» колхоз чилиэнэ. Саас ыһыыга, сайынын от үлэтигэр сылдьара. Кыһын Ааллаах Үүҥҥэбириискэлэргэ таһаҕас тиэйиитигэр үстүү сыарҕалаахатынан бараллара. Күһүн аттанан бараннар ыам ыйыгар кэлэллэрин кэтэҺэрбит. Булчут бэрдэ, олус көнө киҺи этэдииллэрэ.
Сэриигэ улахан хомуур 1942 с. бэс ыйыгар буолбута. Оннокыра Тойон Арыы дьаамыттан сэттэ киһи ыҥырыллыбыта, ол иһигэр биһиги аҕабыт. Аймалҕан буолбутун үчүгэйдик өйдүүбүт. Сэриигэ барааччылар оҥочоҕо киирэн олорбуттарын кэннэ, үксэ дьаам олохтоохторо, ууну кэһэн киирэн оҥочону ыыппакка турбуттара. Ытаһыы бөҕө этэ.
Ити хомуурга ыҥырыллыбыт дьон эргиллибэтэхтэрэ. Сэттэкиһи сэрии хонуутугар хаалбыттара. Хаарыан да дьоннорбутун, аҕаларбытын сэрии сиэтэлээбитэ.
Бу кыра дэриэбинэҕэ 10 оҕо аҕата суох тулаайах хаалбыппыт. Төһө да ийэлэрбит аҥардас хааллаллар син оҕолорун көрөн—истэн киһи гыммыттара.
Сэрии кэмигэр бары даҕаны эрэйи—муҥу көрбүппүт.
Николай, Леонид, Василий СОКОЛОВТАР.
Булгунньахтаах. (редакция архыыбыттан)