«Күүспүт сомоҕолоһууга» норуот акциятын хуордар көрүүлэригэр Хаҥалас кэлэктиибэ анал ааты ылла, концертмейстер бэлиэтэннэ.
Дьокуускайга «Россия – моя история» историческай пааркаҕа «Сила в единстве» норуот акциятын чэрчитинэн өрөспүүбүлүкэтээҕи хуор кэлэктииптэрин көрүүтэ буолла. Тэрээһин РСФСР үтүөлээх артыыһа уонна СӨ норуодунай артыыһа Ф.А. Баишева төрөөбүтэ 100 уонна СӨ үтүөлээх үлэһитэ, Үлэ Кыһыл Знамята уордьан кавалера С.Г. Васильева 95 сылларыгар ананна. Хас биирдии кэлэктиип үс ырыаны толордо, ырыаһыттар быһыыларынан кыттыыларын эрэ буолбакка Саха сирин музыкаҕа үгэстэрин сырдатта. Бүтүн россиятааҕы күрэс регионнааҕы түһүмэҕэ Ийэ дойдуну көмүскээччилэр сылларыгар уонна Кыайыы 80 сылыгар ананна. Манна өрөспүүбүлүкэ 26 хуордарын кэлэктииптэрэ көхтөөхтүк кытыннылар, ол иһигэр Дьокуускай бэтэрээннэрин, Тааттаттан Ытык Күөл, «Көмүлүөк» түмсүү бэтэрээннэрин, Мэҥэ Хаҥаластан Төҥүлү, Бүлүүттэн М.Н. Жирков аатынан култуура дыбарыаһын, Бороҕонтон, С.Г. Васильева аатынан Найахы, «Дуораан» устудьуоннар, А.Д. Макарова аатынан Дьокуускайдааҕы култуура уонна искусство коллеһын «Хоровое дирижирование» салаатын «Үрдэл», Жатай муниципальнай «Вдохновение» камернай дьахталлар хуордара, Хаҥаластан хуор о.д.а.
Биһиги холбоһуктаах хуорбут «За честь и достоинство»диэн анал ааты ылары ситистэ, концертмейстер Ньургуйаана Яковлева «Бастыҥ концертмейстер» ааттанна.
«Оттон ханнык кэлэктииптэри ордук сөбүлүү көрдүҥ?»диэбиппэр, Уус Алдантан Найахы, бүлүүлэр, намнар, төҥүлүлэр народнай хуордарын толорууларын бэлиэтээтэ.
Эҕэрдэлиэҕиҥ, ырыа куттаах дьоммутун. Ситиһии кэлэ турдуҥ!
Людмила Аммосова.
(хаартыскалар ансаамбыл архыыбыттан)