Наукаҕа айан
«Орто Дойду» зоопааркатыгар «Эллэйээдэ» үөрэнээччилэр научнай экспедицияларын оҕолоро кыылларбыт, көтөрдөрбүт, араас харамайдарбыт хайдах кыстаан эрэллэрин көрө бара сырыттылар.
Юннаттары террариумҥа хаһаайыттар олус истиҥник көрүстүлэр. Оҕолор экзотическай күргэлилэри хайдах аһаталларын көрдүлэр, бэйэлэрэ кытары аһаттылар. Улахан эриэн үөнү — питону, ыарахан чараппааханы илиилэригэр ыла сырыттылар. Эрдэ билсибит Valonia yaktica улиткалара бэркэ сылдьарын көрөн астыннылар.
Маны таһынан таһырдьа кыстыыр кыылларыгар ыалдьыттаатылар. Кырачаан эһэчээннэрэ улааппыттарын, ийэлэрин аттыгар ыраас хаарга ойуоккалаһалларын көрөн үөрдүлэр-көттүлэр. Кулааһай, хотугу табалар, Хаар Эбэ мэкчиргэ кыһын кэлбитинэн сэргэхсийбиттэр. Сайын Чыбахчыга уйатын, куорсуннарын көрөн ааспыт кулгаахтаах мэкчиргэни көрөн астыннылар — зоопааркаҕа бэркэ олохсуйбут…
Кыһыҥҥы зоопааркаҕа олох салҕанар. Бу күн Айсен Борисов, Саша Анисимов уонна Проня Ноговицын Сахабыт сирин кыылларын, көтөрдөрүн, ону сэргэ атын дойдулартан «ыалдьыттары» көрөн, элбэҕи билэн, хаартыскаҕа түһэн астынан төнүннүлэр. Оҕолорбутугар бу курдук эриэккэс түгэни бэлэхтээбит хотугу паарка үлэһиттэригэр Спиридон Протопоповка, Иван Сокольниковка уонна Анна Хабытчароваҕа махтал буоллун!
Прокопий Ноговицын, «Эллэйээдэ» оҕолор экспедицияларын салайааччыта.