— Россия олохтоохторо омуктарыттан тутулуга суох дойдубут, ыччаттарбыт инники кэскиллэрин туһугар үлэлии олорбут Президеммитин, аан дойду билинэр киһитин баһылыгынан таллыбыт, ытыктаан, киэн туттан, эрэнэн, сомоҕобутун биллэрэн, — диэтэ Покровскайтан дьаамсыктар сыдьааннарын общественной тэрилтэлэрин салайааччыта, кыраайы үөрэтээччи Игорь Федоров. — Кэлин сылларга биһиги өрөспүүбүлүкэбитигэр дьон олоҕун уйгутун тупсарыыга бары хайысханан улахан үлэ барбытын көрө-истэ сылдьан ама ким мэлдьэһиэй. Покровскайга урукку кирпииччэ собуотун дьоҕус оройуонугар дьиэ бөҕө тутулунна, Дачнай улууссатын эргэ дьиэлэриттэн элбэх ыал саҥа таас дьиэлэргэ көстө, Покровскай киинигэр эмиэ. Аҕыйах хонуктааҕыта манна 43 кыбартыыралаах бэртээхэй дьиэ үлэҕэ киирдэ, үгүс билэр дьонум кыбартыыраланан үөрдэ-көттө. Оннооҕор нэһилиэктэргэ таас дьиэни тутуу барар, Өктөмҥө, холобур, үгүс ыал саҥа дьиэҕэ көстүлэр. Суолбут-ииспит бу эргин тупсар, Дьокуускайга бөдөҥ медицинэ кииннэрэ тутулуннулар, нэһилиэктэргэ ФАП-тар баар буоллулар. Бу барыта өссө өссө анал байыаннай дьайыылар буола турар уустук кэмнэригэр. Саҥа дьыаланы арынарга, хаарыаны, усулуобуйа бөҕө тэриллэрин көрөбүн. Бизнес-инкубатордар үлэлииллэр, үлэһит киһи өлөн-охтон биэрбэт кэмэ. Бэйэ дойдутугар олорон аҕа көлүөнэ дьоммут уурбут оҥкулларыгар тирэнэн, күүстээх модун санаалаах баһылыкпытыгар күүс-көмө буолан иннибит диэки баран иһиэҕиҥ, сомоҕо норуоту туох да самнарыа суоҕа! — диэтэ общественник.
Людмила Мордовская.
