Ийэлэр, аҕалар көхтөөхтүк кытыннылар

Кыһыл Үрүйэ «Сардаҥа» кулуубугар Россияҕа Аҕа, Саха сиригэр Ийэ күнүгэр аналлаах тэрээһин буолан ааста.

Бу тэрээһиҥҥэ нэһилиэк дьоно мустан, эдэр саастарын санаан, хамаандаларга арахсан күрэхтэстилэр. Ол курдук урукку кэми санаан хаһыаттан араас төбөҕө кэтэр бэргэһэлэри — буденовка, пилотка, шляпа оҥорон сөхтөрдүлэр.


«Мин аҕа буоларбынан киэн туттабын» күрэххэ аҕалар кытыннылар. Эр дьон булт диэн баран муннукка ытаабыт дьон, онон бу күрэххэ балык «хаптаран», сыал ытан, кылгас түгэҥҥэ ийэ да оруолун толорон көрдүлэр. Аны туран көрөөччүлэргэ анаммыт викторинаҕа саамай элбэх сөптөөх эппиэти биэрэн Вера Антипина тэҥнээҕин булбата.

Тэрээһиммит биир саамай долгутуулаах түһүмэҕинэн ийэлэр «Дьоллоох түгэн» диэн киэргэнэн, тупсан тахсыылара буолла. Кыттааччылар сахалыы нарын ырыаҕа уйдаран аргыый аҕай үктэнэн тахсалларын көрөөччүлэр дохсун ытыс тыаһынан көрүстүлэр. Ийэлэр үөрбүт-көппүт, астыммыт харахтарын көрөртөн ордук туох кэлиэй!
Түгэнинэн туһанан спонсорбытыгар Лидия Саввинаҕа, «Сайдыына» маҕаһыыҥҥа уонна күрэххэ кыттыбыт ийэлэри сатабылларын киллэрэн киэргэппит, дьон үөрүүтүн үксэппит Анастасия Давыдоваҕа, Альбина Адамоваҕа, Марина Боткиноваҕа, Сардана Кобелеваҕа, Жанна Барашковаҕа махтал тылларын тиэрдэбин.

Людмила Артамонова, Кыһыл Үрүйэ с.