Хомунаалынай хаһаайыстыба
Олох-дьаһах хомунаалынай хаһаайыстыбатын Хаҥаластааҕы филиалын дириэктэринэн уопуттаах салайааччы Дмитрий Николаев үлэлиир. Быйылгы дьылга үлэ-хамнас, тыа сирин учаастактарыгар оттугу, чоҕу тиэрдии туһунан маннык иһитиннэрдэ:
— Быйылгы 2024-2025 сс. оттук сезонугар үлэ былаан быһыытынан бара турар. Күөх төлөнүнэн оттуллар хочуолунайдарга, чуолаан, Покровскай куоракка барыта этэҥҥэ.
Нэһилиэктэргэ баар учаастактардааҕы хочуолунайдарга кэлэр оттук дьылын көрсө чох тиэйиитэ графигынан ыытыллар. Илин эҥэр нэһилиэктэргэ Хачыкаакка, I уонна II Дьөппөҥҥө чоҕу тиэйиини бүтэрэн эрэбит, ол кэнниттэн Тойон Арыыга таһыахтара. Бу ый 20-с чыыһылаларыттан соҕуруу нэһилиэктэргэ Үөдэйгэ, Сиинэҕэ, Кытыл Дьураҕа уонна Иһиккэ дылы тиэйии үлэлэрин тэрийиэхпит. Былааммытынан 9 800 туонна чох тиэллэрэ хаалла. Бүгүҥҥү күн Тиит Арыы, Тумул нэһилиэктэрин хочуолунайдарыгар былааннаах чох тиэрдиллэн турар.
Уйбаан УЙГУУРАП, ааптар хаартыскаҕа түһэриитэ.