Айылҕа кэрэ күһүнүгэр аналлаах үгэс буолбут Көмүс күһүн” диэн тэрээһиммит биһиги оскуолабытыгар үөрүүлээхтик уонна өрө көтөҕүллээхтик ааста.

Өрөспүүбүлүкэбит Судаарыстыбаннаһын күнүнэн оскуолабыт уопуттаах бибилэтиэкэрэ М.П.Михайлова өрөгөйдөөх күммүтүн бэлиэтээн, саха норуотун чулуу уолаттарын П.А. Ойуунускай, М.К. Аммосов, И.Н. Барахов тустарынан кинигэбыыстапкатын тэрийдэ, кинилэр өрө күүрүүлээх олохторун, үлэлэрин сырдатта.

Тэрээһин үөрүүлээх чааһын 9 кылаас үөрэнээччитэ Дьячковскай Айтал уонна мин иилээн-саҕалаан ыыттыбыт. Хас биирдии кылаас айылҕа матырыйаалыттан араас оҥоһуктары,  хартыыналары, паннолары, сибэкки дьөрбөтүн эгэлгэтин оҥорон көрдөрдүбүт, кэпсээтибит. 5кылаастар Күһүҥҥү вернисаж” номинацияҕа бастаатылар, 6 кылаас үөрэнээччилэрэ Айылҕа матырыйаалыттан оҥоһуктарга кыайдылар, Күһүҥҥү букет номинацияҕа 8 кылаастар тэҥнээхтэрин булбатылар, 10-11 кылаастар Оҕуруотум дьикти аһа диэн номинациялаҕа тигистилэр. Манна 11 кылаастар сүүнэ улахан тыкваны аҕалан сөхтөрдүлэр, 6 кылаас оҕолоругар арбуз курдук сэдэх, минньигэс отоннор бааллара үөртэ. Төрөппүттэрбит көмөлөрүнэн ас арааһын астаан, атыылаан бары сэргэхсийэн тарҕастыбыт.

Санаайа Очиржапова, 1 Дьөппөн орто оскуолатын 7 кылааһын үөрэнээччитэ.