Нөмүгү нэһилиэгэр Ийэ тыл күнүн чэрчитинэн «Project D” диэн коммунарскай сбор буолла.
Тэрийээччилэр — Луиза Корякина салалтаах Ой орто оскуолатын«Күн», «Долун» оҕолор түмсүүлэрэ уонна дириэктэри иитэр үлэҕэ солбуйааччы Варвара Степанова, педагог-организатордар Анастасия Шадрина, Туяра Сивцева олус кыһаллан, күүстээх бэлэмнэнии үлэтин ыытан оҥордулар.
Россиятааҕы «Движение первых» оҕо хамсааһынын испэсэлииһэ Мария Саввина истиҥ тылларын этэн, Махтал сурук туттартаан, учууталларга уопут атастаһыытыгар семинар ыытта.
Коммунарскай сборга Хаҥалас улууһун 15 оскуолата уонна Аммаулууһун Сатаҕай, Нам улууһун Аппааны орто оскуолалара, Дьокуускайтан Саха гимназия уонна Өрөспүүбүлүкэтээҕи лиссиэй «КҮН» түмсүүтүн оҕолоро ыалдьыттаан кыттыыны ыллылар.
Төрөөбүт тыл күнүгэр анаан үөрэнээччилэр визиткаларын сахалыыбэлэмнээн кэлбиттэр. Оҕолор бэйэ-бэйэлэрин кытта көрсөн-билсэн, ыллаан-үҥкүүлээн, станциянан оонньоон олус астыннылар.
Бу күн саха эстрадатын ырыаһыттара Invent уонна Катя Черкашина оҕолору эҕэрдэлии, ылбаҕай ырыаларын бэлэхтии кэлбиттэрэ икки бүк үөрүүлээх буолла. Учууталларга анаан семинар, санаа-уопут, идея атастаһыыта, араас интэриэһинэй маастар-кылаастар ыытылыннылар.
Бу тэрээһин оҕолорго биир умнуллубат кэрэ күн быһыытынан өйдөрүгэр-сүрэхтэригэр хаалыа диэнэрэнэбит. Тэрийээччилэр ааттарыттан Ой орто оскуолатын «Долун» оҕолоругар ис сүрэхпититтэн махталбытын тиэрдэбит!
Анастасия ШАДРИНА, Ой орто оскуолатын педагог-организатора.