Дьокуускайга «Кыайыы 50 сыла» спорткомплекска Улуу Кыайыы 80 сылыгар анаммыт “Кыайыы вальса” бырайыак 15 сыллаах үбүлүөйдээх күрэҕэ икки күн устата буолан ааста. Улахан дьоҥҥо барыта 500—тэн тахса паара кыттыылаах күрэх буолла. Биһиги «Кырдьыбат саас” кэлэктииппитинэн 4 пааранан олус ситиһиилээхтик кытынныбыт. Ол курдук, уопуттаахтар бөлөххө Надежда Исакова, Петр Саввинов 1 миэстэ, саҕалааччыларга Татьяна Иванова, Юрий Рыгунов, Александра Павлова, Николай Егоров 2 миэстэ, Зоя Ким, Руслан Голоков 3 миэстэ буоллубут. Жюри чилиэннэрэ биһиги кэлэктииппит үчүгэй бэлэмнээҕин бэлиэтээтилэр. Онон дойдубут аатын өрөспүүбүлүкэҕэ, бальнай үҥкүү Федерациятыгар ааттаппыппытыттан сүрдээҕин үөрдүбүт, астынныбыт.
Түгэнинэн туһанан эттэххэ, Хаҥалас улууһугар бальнай үҥкүүгэ 5 пааралаах бэтэрээннэр кэлэктииптэрэ Покровскай куоракка да суоҕун бэлиэтиибит. Салайааччыбыт Николай Егоровы СӨ Бэтэрээннэрин сэбиэтин Президиумун бэрэссэдээтэлэ Вильям Иванов Бочуоттаах грамотатынаннаҕараадаламмытынан эҕэрдэлиибит!
Кэлэктиип аатыттан өрүү биһигини өйүүр нэһилиэкпит дьаһалтатыгар Айталина Васильеваҕа, «Дьиэрэй ырыа” Култуура киинигэр (салайааччы Татьяна Ефремова), көстүүммүтүн кылгас кэмҥэ бэлэмнээбит маастарбытыгар Анисия Никифороваҕа, биһигини уһун күүтүүлээх тэрээһиҥҥэ илдьэ сылдьыбыт суоппарбытыгар Владимир Исаковка махталбытын тиэрдэбит.
Александра Павлова, 1-кы Малдьаҕар нэһилиэгин бэтэрээннэрин сэбиэтин бэрэссэдээтэлэ.