— Олус үчүгэй үҥкүү бырааһынньыгар кыттан кэллибит, — үөрэ-көтө сонунун үлэһиннэ улууспут дьаһалтатыгар баһылык приемнайыгар үлэлиир «Гармония» бальнай үҥкүү ансаамбылын үҥкүүһүтэ Людмила Алексеева. Фестиваль-күрэхпит Аллараа Бэстээххэ киэҥ-куоҥ үчүгэйкээн саалаҕа буолла. Бу өрөспүүбүлүкэҕэ күрэххэ 29 кэлэктиип кытынна – 363 паара Бүлүү, Нам, Горнай, Мэҥэ Хаҥалас, Хаҥалас улуустарыттан уонна дьокуускай куораттан. Куонкурус кыттыылаахтарын Мэҥэ Хаҥалас улууһун баһылыга Дмитрий Тихонов, Үөһээ Бэстээх бөһүөлэгин баһылыга Юрий Колмаков, «Кыталык» ансаммбылга үҥкүүлээн кэлбит, СӨ спортивнай бальнай үҥкүүлэргэ федерация салайааччыта Людмила Николаева, дойду бальнай үҥкүүлэригэр федерация салайааччыта, кыл. судьуйа Михаил Сивцев, ону сэргэ «Кыталык» норуот кэлэктиибин салайааччыта Василий Винокуров.
Күрэхтэһии үөрүүлээх арыллыытын куонкурус бары кыттыылаахтара Улуу Кыайыы 80 сылыгар үктэнээри туран хореограф любовь Алексеева туруорбут «Синий платочек»вальсынан түмүктээтилэр. Онтон фестиваль саҥаттан саҥа ааттары арыйда. Бастыыр иһин бэрт долгутуулаах үҥкүүлэри көрдүбүт, түмүккэ үгүс түһүмэхтэри ааһан иккис миэстэ буоллубут, — диэтэ кини.
Таарыччы эттэххэ, Хаҥаластан бу улахан таһымнаах куонкуруска Өктөмтөн Надежда Черкашина салайар «Сардаҥа», Булгунньахтаахха саҥа тэриллибит Николай Егоров «Кырдьыбат саас» ансаамбыла уонна Покровскайтан Бела Шапошникова уһуйар «гармониялар» кытыннылар. Түөртүү үҥкүүнү көрдөрдүлэр, араас саастарынан арахсан. Олус бэрт! Ситиһии кэлэ турдун!
Онтон биһиги үҥкүүһүт далбар-хотуммут этиитин болҕомтоҕо ылан нэһилиэк аайы бальнай үҥкүү бөлөхтөрө баар буолалларыгар баҕарыаҕыҥ.
Людмила Мордовская.