1983 сыл бэс ыйын 18-19 күннэригэр Майаҕа ыытыллыбыт IX спартакиадаҕа 22 оройуонтан 287 спортсмен кыттыбыта. Олор истэригэр 15 ССРС спордун маастара, 5 РСФСР уонна 30 Саха АССР спордун маастардара, ону таһынан бастакы разрядтаахтар күөн көрсүһүүлэрэ саҕаламмыта.
Атах оонньууларыгар IX Манчаары оонньууларын кыайыылаахтара:
Эр дьоҥҥо кылыыга 1 м Василий Николаев (СГУ) – 45 м 11 см, 2 м Иннокентий Макаров (Чурапчы) – 42 м 89 см, 3 м Иван Захаров (Чурапчы).
Ыстаҥаҕа 1 м Василий Николаев (СГУ) – 43 м 70 см, 2 м Иннокентий Макаров (Чурапчы) – 40 м 67 см, 3 Дмитрий Захаров (Дьокуускай) – 40 м 25 см.
Куобахха 1 м Дмитрий Захаров (Мэҥэ Хаҥалас) – 36 м 80 см, 2 м Василий Николаев (СГУ), 3 м Аркадий Прокопьев (Үөһээ Бүлүү) – 35 м 69 см. Петр Макаров (Орджоникидзевскай) Хачыкаат орто оскуолатын физкультура учуутала – 35 м 00 см спорт маастарын нуорматын толорбута. Үс көрүҥ түмүгүнэн кыайыылаах Василий Николаев (СГУ) – 125 м 24 см, 2 м Иннокентий Макаров (Чурапчы) – 117 м 44 см, 3 м Дмитрий Назаров (Мэҥэ Хаҥалас).
Кылыыга уолаттарга Ваня Сергеев (Чурапчы) – 40 м 35 см, ыстаҥаҕа Саша Ушницкай (Уус Алдан) – 37 м 33 см, куобахха Ваня Сергеев (Чурапчы) – 32 м 65 см. Үс көрүҥ түмүгүнэн бастыҥ Ваня Сергеев (Чурапчы) – 109 м 65 см.
1000 м сүүрүүгэ кыргыттарга Маргарита Сивцева (Орджоникидзевскай) – 3 мүнүүтэ 19,8 сөк көрдөрүүлээх бастыыр, уолаттарга 5000 м Архип Кутуков (Нам) – көрдөрүүтэ 16 мүнүүтэ 48 сөк. Эр дьоҥҥо 10000 м Гаврил Нохтунскай (Нам), дьахталларга 1500 м Любовь Свинобоева (Мэҥэ Хаҥалас) – 5 мүнүүтэ 11,8 сөк, бэтэрээннэргэ Юрий Сергеев (Орджоникидзевскай) кыайыылаахтарынан буолбуттара. Дьахталларга Паша Дьячковская (Орджоникидзевскай) – төрдүс миэстэ, эр дьоҥҥо 5000 м Леонид Лукин (Орджоникидзевскай) төрдүс миэстэнэн түмүктээбитэ, эр дьоҥҥо 10000 м Прокопий Громов – бэһис миэстэ буолбута. Хамаанданан сүүрүүгэ I миэстэҕэ Чурапчы, II миэстэҕэ Мэҥэ Хаҥалас, III миэстэҕэ Орджоникидзевскай тахсаллар.
Мас тардыһыыга абсолютнай чемпионунан Петр Каратаев (Алексеевскай) буолар. Гиирэ спордугар 60 киилэҕэ чемпионунан Василий Дьячковскай (Дьокуускай) тахсар. Хапсаҕайдаһан тустууга 60 киилэҕэ Аскалон Николаев (Үөһээ Бүлүү) бастыыр, Семен Петухов (Уус Алдан) 2 миэстэ, Иннокентий Корякин (Орджоникидзевскай) 3 миэстэ буолбуттара. 70 кг Анатолий Константинов (Уус Алдан) кыайар, Максим Аммосов (Дьокуускай) 2 миэстэ, Александр Куличкин (Мэҥэ Хаҥалас) 3 миэстэҕэ тиксэр. 82 кг Степан Дьячковскай (Мэҥэ Хаҥалас) кыайыыны ситиһэр, Николай Рожин (Уус Алдан) 2 миэстэ, 3 миэстэ Ефим Кузьмин (Орджоникидзевскай) буолаллар. 82 киилэ үөһэ ыйааһыннаахтарга Максим Васильев (Чурапчы) бастыыр, 2 миэстэ — Николай Григорьев (Уус Алдан) буолар, 3 миэстэ — Валерий Корзун (Аллайыаха). IX спартакиада абсолютнай чемпионунан Намтан кыттыбыт Захар Чукров буолар.
Оҕунан ытыыга Чурапчы хамаандата маҥнайгы миэстэҕэ тахсыбыта.
Үс күннээх күрэхтэһии түмүгүнэн уопсай хамаанданан кыайыылаах Мэҥэ Хаҥалас уонна Орто Халыма буолаллар. Иккис миэстэлээх — Чурапчы, Өлөөн оройуоннара, үһүс миэстэни Дьокуускай, Муома спортсменнара ылбыттара.
Василий МОЖУКОВ, СӨ спордун бэтэрээнэ, Покровскай к.