Манчаары Баһылай VI спартакиадата Майаҕа 1977 сыл бэс ыйын 23-24 күннэригэр ыытыллыбыта.
Хапсаҕай тустуу икки бөлөххө арахсар — 18-тан 39-гар диэри саастаахтарга уонна 40 саастарыттан үөһэ бэтэрээннэргэ. Иккис көрүҥ кылыыга, ыстаҥаҕа, куобахха. Уолаттарга 18-гар диэри, эр дьоҥҥо 18-тан 39-гар диэри, 40-тэн үөһээ саастаахтарга. Үһүс көрүҥ-сүүрүү, эр дьоҥҥо 10000 метргэ 39-гар диэри саастаахтар, 45-гэр диэри саастаахтар 3000 м, 45-тэн саастаахтарга эр дьон оннугар дьахталларга 1500 м киирэр.
Спартакиада бырагырааматыгар мас тардыһыыга, гиирэни анньыы уонна оҕунан ытыы киирэллэр. Майа стадионугар 21 хамаандаттан 450 спортсмен күөн көрсүһүүлэрэ саҕаламмыта. Сүүрүүгэ 10000 м эр дьон сүүрбүттэрэ.Афанасий Илларионов (Чурапчы) – 34 мүнүүтэ 33,5 сөкүүндэнэн кэлэн пьедестал үрдүкү кэрдииһигэр турбута. 1500 м эр дьоҥҥо Сергей Комарскай (Сунтаар) уонна дьахталларга А. Варламова (Нам) – 5 мүнүүтэ 18,4 сөкүүндэнэн кыайыылаах тахсыбыттара. 45-гэр диэри саастаах бэтэрээннэргэ 3000 м Исидор Игнатьев (Сунтаар) кыайыы үөрүүтүн билбитэ.
Атах оонньуутугар уолаттарга кылыыга Александр Платонов (Өлүөхүмэ) – 40 м 19 см, ыстаҥаҕа – 40 м 55 см, куобахха – 33 м 88 см. Үс көрүҥ түмүгүнэн 114 м 62 см кыайыылааҕынан буолла. 40-тэн үөһээ саастаах бэтэрээннэргэ кылыыга Иван Егоров (Дьокуускай), ыстаҥаҕа Иннокентий Яковлев (Нам), куобахха И. Яковлев (Нам) бастыыллар. Үс көрүҥ түмүгүнэн ИннокентийЯковлев кыайыылааҕынан тахсар. Эр дьоҥҥо кылыыга Владимир Алексеев (Дьокуускай) – 43 м 00 см түһэн чемпион буолар, иккис түмүгү Николай Санников (Дьокуускай) – 42 м 97 см, Василий Посельскай (Чурапчы) – 41 м 68 см үһүс миэстэни көрдөрөр. Ыстаҥаҕа Николай Адамов (Чурапчы) – 41 м 56 см ыстанан бастаабыта, иккис түмүгү Николай Санников (Дьокуускай) – 41 м 40 см көрдөрбүтэ, үһүс Владимир Алексеев (Дьокуускай) – 41 м 20 см буолбута. Куобахха Николай Санников (Дьокуускай) – 36 м 95 см эмиэ кыайыылаах тахсыбыта, Дмитрий Эверстов (Чурапчы) – 35 м 00 см иккис, Дмитрий Назаров (Мэҥэ Хаҥалас) – 34 м 62 см түһэн үһүс миэстэлэргэ тахсыбыттара
Оҕунан ытыыга уопсай түмүккэ Мэҥэ Хаҥалас хамаандата маҥнайгы тахсыбыта.
Гиирэни анньыыга 60 киилэҕэ Александр Хворов (Дьокуускай), 70 кг И. Ефимов (Муома) иккиэн маҥнайгы миэстэни ылбыттара.
Хапсаҕайга эр дьоҥҥо 60 киилэҕэ 1 м Алексей Федоров (Ленинскэй), 2 м Петр Бочкарев (Уус-Алдан), 3 м Егор Захаров (Орджоникидзевскай). 70 киилэҕэ 1 миэстэВалерий Федоров (Үөһээ Бүлүү), 2 миэстэ Анатолий Амвросьев (Ленинскэй), 3 миэстэ Василий Уваров (Мэҥэ Хаҥалас). 82 киилэҕэ Владимир Николаев (Ленинскэй)бастакы, Максим Васильев (Дьокуускай) иккис миэстэ буолбуттара. 82 киилэттэн үөһэ ыйааһыҥҥа Симон Бойнов (Ленинскэй) кыайыылааҕынан буолбута. 40 саастарыттан үөһэ бэтэрээннэргэ: 70 киилэҕэ 1 мжтэ Егор Прокопьев (Үөһээ Бүлүү), 2-с Степан Ефремов (Ленинскэй), 3-с Федор Эверстов (Чурапчы), 70 киилэ үөһэ Виктор Михайлов (Орджоникидзевскай) пьедестал үрдүкү кэрдииһигэр тахсыбыта, чемпион лиэнтэтин иилиммитэ.
VI—с спартакиада абсолютнай чемпионунан Максим Васильев (Дьокуускай) буолбута. Хапсаҕайга хамаанданан Ленинскэй оройуона бастаабыта.
Уопсай хамаанданан түмүк биллэриллибитигэр Манчаары Баһылай бирииһигэр Мэҥэ Хаҥалас оройуона олус ситиһиилээхтик күрэхтэһэн кыайыылааҕынан тахсыбыта, иккис Ленинскэй оройуона, Чурапчы оройуона үһүс миэстэлэммиттэрэ. Хоту оройуоннарын аан маҥнай туспа бөлөххө араарбыттара. Онон Муома оройуонун хамаандата бөлөхтөрүгэр бастаабыттара. Кинилэр спартакиада бырагырааматын аҥаарыгар 11 спортсменынан кыттаннар 5 мэтээли дойдуларыгар илдьэ барбыттара.
Спартакиадаҕа сонун көстүүнэн Манчаары Баһылай мэтириэтин оҥорон туруоруу буолбута. Москваҕа дойду биллиилээх антрополог-скульптора Г. В. Лебединская лабораториятыгар төбөтүн уҥуоҕуттан сирдэтэн оҥоһуллубут Манчаары сэбэрэтин “Урожай” ДСО уобаластааҕы сэбиэтин бэрэссэдээтэлин солбуйааччы Р. Д. Атласов сакааһынан худуоһунньук Михаил Тяптиргянов уруһуйдаабыта аан бастаан норуот көрүүтүгэр тахсыбыта.
Василий МОЖУКОВ, СӨ спордун бэтэрээнэ, Покровскай к.