1979 сыл бэс ыйын 16-17 күннэригэр Мэҥэ Хаҥалас киинигэр Майаҕа ыытыллыбыт Манчаары Баһылай бирииһигэр VII спартакиадаҕа 19 оройуонтан 461 спортсмен, олор истэригэр 21 ССРС, 11 РСФСР, 27 САССР спордун маастардара кыттыбыттара.
Кылыыга эр дьоҥҥо 41 м 98 см көрдөрүүлээх Дьокуускайтан Владимир Алексеев бастакы миэстэ буолар, 2 миэстэ Николай Адамов (Чурапчы), кини көрдөрүүтэ 41 м 61 см, 3 миэстэҕэ Иван Чиркоев (Дьокуускай) тиксэр.
Ыстаҥаҕа кыайыылаах Николай Адамов (Чурапчы, 40 м 73 см ыстанар), 2 миэмтэ Александр Сыллыров (Өлүөхүмэ, 39 м 99 см) уонна 3 миэстэ — Дмитрий Захаров (Бүлүү, 39 м 75 см). Куобахха 1 миэстэ Николай Адамов (Чурапчы, 34 м 74 см), 2 миэстэ Андрей Гаврильев (Амма, 33 м 86 см), 3 миэстэ Владимир Алексеев (Дьокуускай, 33 м 77 см) буолаллар. Үс көрүҥ түмүгүнэн кыайыылаах Николай Адамов (116 м 48 см) буолар, иккис Владимир Алексеев (114 м 03 см) уонна 3 миэстэҕэ Дмитрий Захаров (112 м 18 см) тиксэр. Уолаттарга үс көрүҥҥэ үһүөннэригэр кыайыылааҕынан Бүлүү ыччата Вася Николаев буолар.
Бэтэрээннэргэ кылыыга, ыстаҥаҕа уонна куобахха Намтан Иннокентий Яковлев бастыҥ ааттанар.
Дьахталларга 1500 миэтэрэҕэ сүүрүүгэ: А. Варламова (Мэҥэ Хаҥалас) – 5 мүнүүтэ 15,6 сөкүүндэнэн фиништиир уонна кыайыылааҕынан буолар. Бэтэрээннэргэ 3000 м Роберт Егоров (Дьокуускай) – 9 м 56,5 сөк. кэлэр, эр дьоҥҥо П. Харитонов (Уус Алдан) кыайыылааҕынан буолаллар.
Гиирэни анньыыга 60 киилэҕэ Ф. Керемясов (Мэҥэ Хаҥалас) – 160 очукуо, 70 кг Федот Приконов (Өлүөхүмэ)211 очукуону хомуйаннар пьедестал үрдүкү үктэлигэр турбуттара.
Оҕунан ытыыга хамаанданан кыайыылаах Чурапчыоройуона буолбута.
Хапсаҕай тустууга эр дьоҥҥо 60 киилэҕэ Николай Константинов (Уус Алдан) бастыыр, Афанасий Афанасьев (Орто Халыма) иккис, Григорий Вострецов (Анаабыр) үһүс миэстэ буолаллар. 70 киилэҕэ Анатолий Константинов (Дьокуускай) кыайыылаах, 2 миэстэ Николай Григорьев (Алексеевскай) уонна 3 миэстэ Николай Матвеев (Чурапчы). 82 киилэҕэ Захар Чукров (Дьокуускай) бастыыр, иккис Александр Киселев (Өлүөхүмэ), үһүс миэстэ Николай Рожин (Уус Алдан). 82 киилэттэн үөһэ Максим Васильев (Ленинскэй) тэҥнээҕин булбакка кыайар, 2 миэстэни Садот Стручков (Амма) ылар, 3 миэстэҕэ Матвей Аммосов тиксэр.
Бэтэрээннэргэ 70 киилэҕэ дылы Николай Давыдов (Амма)кыайыылаах буолар, 2 миэстэ Николай Иванов (Ленинскэй), 3 миэстэ Василий Семенов (Үөһээ Бүлүү). 70 киилэттэнүөһэ 1 миэстэ Сидор Попов (Чурапчы), 2 миэстэ — Коммунар Крылов (Уус Алдан), 3 миэстэ — Виктор Кривошапкин (Дьокуускай). VII Манчаары спартакиадатыгар хапсаҕайдаһан тустуу абсолютнай чемпиона Максим Васильев (Дьокуускай) буолар.
Үс көлүөнэ чулууттан чулуу спортсменнар 6 көрүҥҥэ эрийсиилэрэ тыа сиригэр атах оонньуулара сайдан иһэрин көрдөрбүтэ. Уопсай хамаанданан түмүккэ Баһылай Манчаары бирииһигэр кыайыылааҕынан Мэҥэ Хаҥалас, Орто Халыма оройуоннара, иккис Дьокуускай куорат, Муома оройуона уонна үһүс миэстэҕэ Чурапчы, Эдьигээн хамаандалара тахсыбыттара.
Василий МОЖУКОВ, СӨ спордун бэтэрээнэ, Покровскай к.