Майаҕа “Урожай” ДСО 30 сылыгар анаммыт Манчаары Баһылай бирииһигэр VIII спартакиадаҕа 17 оройуонтан 450 спортсмен күөн көрсүбүтэ.
Эр дьоҥҥо кылыыга кыайыылаах Василий Николаев (Дьокуускай) – 41 м 92 см, 2 миэстэ Иннокентий Макаров (Мэҥэ Хаҥалас) – 41 м 67 см, 3 миэстэ Дмитрий Назаров (Мэҥэ Хаҥалас) – 41 м 55 см. Ыстаҥаҕа 1 миэстэ Александр Платонов (Өлүөхүмэ) – 41 м 64 см, 2 миэстэ Василий Николаев (Дьокуускай) – 41 м 21 см, 3 миэстэ Дмитрий Назаров (Мэҥэ Хаҥалас) – 39 м 90 см. Куобахха Дмитрий Назаров (Мэҥэ Хаҥалас) 36 м 50 см көрдөрүүлээх бастыыр, Уус Алдантан Андрей Федоров (35 м 91 см ) – 2 миэстэ, Үөһээ Бүлүүттэн Аркадий Прокопьев (35 м 40 см) 3 миэстэ буолаллар. Үс көрүҥ түмүгүнэн 1 миэстэлээх Дмитрий Назаров (Мэҥэ Хаҥалас), 2 миэстэ — Василий Николаев (Дьокуускай), 3 миэстэни Николай Адамов (Чурапчы) ылар. Уолаттарга кылыыга Андрей Григорьев (Мэҥэ Хаҥалас) – 38 м 88 см, ыстаҥаҕа Алеша Неустроев (Таатта) – 36 м 97 см, куобахха Петя Макаров (Орджоникидзевскай) – 33 м 90 см кыайыылаахтарынан буолбуттара. Үс көрүҥ түмүгүнэн Андрей Григорьев (Мэҥэ Хаҥалас) көрдөрүүтэ 108 м 77 см. Бэтэрээннэргэ кылыыга В. Саввинов (Алексеевскай) – 35 м 77 см уонна куобахха кыайыылааҕынан буолбута.
Хапсаҕай тустууга 60 кг Иннокентий Аянитов (Чурапчы) бастыыр, Алексей Баишев (Мэҥэ Хаҥалас) 2 миэстэ, Никита Кардашевскай (Өлүөхүмэ) 3 миэстэ буолбуттара. 70 кг Иван Захаров (Амма) кыайар, Анатолий Васильев (Үөһээ Бүлүү) 2 миэстэ, Анатолий Константинов (Уус Алдан) 3 миэстэҕэ тиксэр. 82 кг Николай Рожин (Уус Алдан) тэҥнээҕин булбат, Сергей Скрябин (Чурапчы) 2 миэстэ, 3 миэстэ Ефим Кузьмин (Орджоникидзевскай) буолаллар. 82 кг үөһэ ыйааһыннаахтарга Максим Васильев (Дьокуускай)бастыыр, 2 миэстэ — Евсей Софронов (Үөһээ Бүлүү) буолар, 3 миэстэ — Владимир Иванов (Ленинскэй). Бэтэрээннэргэ 70 киилэҕэ Иннокентий Халдеев (Уус Алдан) бастыыр, 2-с Николай Давыдов (Амма), 3-с Валерий Григорьев (Дьокуускай) буолаллар. 70 кг үөһэ Виктор Михайлов (Орджоникидзевскай) кыайыылаах, 2 мэстэ Вячеслав Яковлев (Уус Алдан) уонна 3 миэстэ Егор Иванов (Үөһээ Бүлүү). VIII спартакиада абсолютнай чемпионунан Максим Васильев (Дьокуускай) буолбута. Хапсаҕайга хамаанданан I миэстэ – Уус Алдан, II миэстэ Чурапчы уонна бочуоттаах III миэстэ Үөһээ Бүлүү ааттанар.
Сүүрүүгэ эр дьоҥҥо кыайыылаахтар: 5000 м. Г. Уваров (Нам) – 17 мүн 18,5 сөк., 10000 м. П. Харитонов (Уус Алдан) – 33 мүн 36 сөк. Бэтэрээннэргэ 3000 м. Юрий Сергеев (Орджоникидзевскай) – 9 мүн 32,8 сөк бастыыр. Дьахталларга 1500 м. Вера Потапова (Орджоникидзевскай)– 5 мүн 13,5 сөк. кыайар.
Мас тардыһыытыгар 70 киилэҕэ П. Сивцев (Нам) кыайыылаах тахсыбыта.
Гиирэ спордугар 70 киилэҕэ Владимир Алексеев (Дьокуускай), 80 кг И. Шараборин (Өлүөхүмэ), 80 кг үөһэ Р. Руфов (Дьокуускай) кыайбыттара.
Манчаары Спартакиадатыгар уопсай хамаанда түмүгүнэн Мэҥэ Хаҥалас, Орто Халыма бастаабыттара, II миэстэ – Дьокуускай, Муома, III миэстэ – Чурапчы, Эдьигээн. Хамаандалар бу ситиһиилэрэ дьон-сэргэ өйдөбүлүгэр хаалбыта.
Василий МОЖУКОВ, СӨ спордун бэтэрээнэ, Покровскай к.